Dainik Maval News : आंदर मावळातील टाकवे बुद्रुक येथून एका 14 वर्षांच्या अल्पवयीन मुलीचे शुक्रवारी, दि.19 अपहरण झाले होते. याबाबत अल्पवयीन मुलीच्या वडिलांनी वडगाव मावळ पोलिस ठाण्यात तक्रार दाखल केली होती. अल्पवयीन मुलीचे अपहरण करताना आरोपींनी चेहरा झाकून आणि विना नंबरप्लेटच्या मोटारसायकलचा वापर केला. ( मावळ तालुक्यातील प्रत्येक घडामोडीची अपडेट मिळवा दैनिक मावळच्या व्हॉट्सअॅप चॅनेलवर )
सदरचा गुन्हा संवेदनशिल आणि गंभीर स्वरूपाचा असल्याने तपासासाठी सहा पोलीस निरीक्षक शितलकुमार डोईजड यांच्या नेतृत्वाखाली एकूण सहा तपास पथके तयार करून मुंबई, लोणावळा, कामशेत, तळेगाव, देहूरोड, हिंजवडी भागात सदर मुलीचा शोध घेतला गेला. गोपनीय बातमीदार यांच्या आणि तांत्रिक माहितीच्या आधारे सदर मुलीचा शोध घेतला असता दहा दिवसाच्या अथक परीश्रमानंतर, सखोल तपासात ही मुलगी हिंजवडी पोलिस ठाण्याच्या हददीत सुखरूप मिळून आली. ( Kidnapped girl traced from Takwe Budruk Performance of Vadgaon Maval Police )
पोलिसांनी या प्रकरणात अनिकेत उमेश शेळके (वय 20 वर्षे, रा. माण, ता. मुळशी, जि पुणे) ओमकार अरुण कुंभार (वय 18 वर्षे, रा.कुंभार वस्ती, माण, ता. मुळशी, जि. पुणे), निखिल धोड तळपे (वय 18 वर्षे, सध्या रा. भोसले वस्ती, महिला व्यायाम शाळेसमोर, माण, ता. मुळशी मुळ रा साकूर्डी, ता. खेड, जि पुणे) या आरोपींना अटक केलेली असुन न्यायालयाने त्यांची न्यायालयीन कोठडीमध्ये रवानगी केलेली आहे. तसेच या गुन्ह्यात अजून दोन अल्पवयीन विधीसंघर्षग्रस्त बालकांना बाल न्याय मंडळ येथे हजर केले आहे.
सदरची कारवाई सहाय्यक पोलीस अधीक्षक सत्यसाई कार्तिक यांच्या मार्गदर्शनाखाली पोलीस निरीक्षक कुमार कदम, सहाय्यक पोलीस निरीक्षक शितलकुमार डोईजड, सुनिल जावळे, सचिन गायकवाड, सचिन देशमुख, विशाल जांभळे, सचिन काळे, गणपत होले, अमोल तावरे, शशिकांत खोपडे, बापुराव गावडे, सिध्दार्थ वाघमारे, संपत वायाळ, आदित्य भोगाडे, चेतन कुंभार, किरण डोले, प्रतिक राले, देविदास भागे, चेतन दळवी, नेहा भोर, आरती खर्डे, पोलिस पाटील अतुल असवले यांनी केली आहे. गुन्ह्याचा पुढील तपास सहाय्यक पोलीस निरीक्षक शितलकुमार डोईजड हे करत आहेत.
पालकांनी मुलांकडे लक्ष देणे आवश्यक –
“पालकांनी पौगांडवस्थेतील मुलांचे मित्र, त्यांचे सोशल मीडिया यावर बारकाईने लक्ष ठेवणे आवश्यक आहे. मुलांना वेळोवेळी विश्वासामध्ये घेऊन वेळोवेळी मार्गदर्शन करणे आवश्यक आहे.” – कुमार कदम, पोलीस निरीक्षक, वडगाव मावळ पोलीस ठाणे.
अधिक वाचा –
– पॅरिस ऑलिंपिक 2024 मध्ये भारतासाठी पहिले पदक जिंकणाऱ्या ‘मनु भाकर’वर अभिनंदनाचा वर्षाव । Manu Bhaker
– पुणे जिल्ह्यातील धरणांची सद्यस्थिती काय, कोणत्या धरणात किती टक्के पाणीसाठा? वाचा एका क्लिकवर । Pune News
– उद्धव ठाकरे यांच्या वाढदिवसानिमित्त महाआरती, वृक्ष लागवड आणि गुणवंत विद्यार्थ्यांचा सन्मान । Lonavala News
