Dainik Maval News : तळेगाव दाभाडे येथील ओएसके (OSK) कराटे क्लब अँड मार्शल आर्ट अकॅडमीच्या मुलांची कराटे बेल्ट परीक्षा रविवारी वराळे येथे पार पडली. या परीक्षेत तळेगाव मधून तब्बल अडीचशे मुलांनी सहभाग घेतला होता. यावेळी परीक्षक म्हणून आप्पा जाधव सर आणि विनोद माटे सर हे उपस्थित होते. यलो बेल्ट ते ब्राऊन ब्लॅक बेल्ट पर्यंत मुलांच्या परीक्षा यावेळी घेण्यात आल्या. ( मावळ तालुक्यातील प्रत्येक घडामोडीची अपडेट मिळवा दैनिक मावळच्या व्हॉट्सअॅप चॅनेलवर )
परीक्षेदरम्यान मुलांचे शारीरिक व्यायाम तसेच कीक पंच आणि कराटे काताजचे परीक्षण करण्यात आले. तसेच काही मुलांनी स्पोर्ट कराटेच्या फाईटचे प्रात्यक्षिक करून दाखवले. अकॅडमीच्या ब्लॅक बेल्ट मुलांनी काताज फाईट आणि लाठीकाठीचे प्रात्यक्षिक करून दाखवले. यावेळी अनाथ आश्रम आंबी येथील मुलांनी देखील सहभाग घेतला होता. या मुलांना अकॅडमी तर्फे मोफत प्रशिक्षण दिले जाते. यातील मुलांनी येलो बिल्डची परीक्षा यशस्वीरित्या पार केली. ( Karate Belt Examination conducted at Warale Talegaon Dabhade Certificates and belts awarded to students )
कार्यक्रमाला प्रमुख पाहुणे म्हणून नितीन फाकटकर, वैशाली फाकटकर तसेच रूपाली मुऱ्हे उपस्थित होते. विजेत्या विद्यार्थ्यांना प्रमुख पाहुण्यांकडून प्रमाणपत्र तसेच बेल्ट प्रदान करण्यात आले. नितीन भाकटकर यांनी अकॅडमीचे आणि मुलांचे भरपूर कौतुक केले. तसेच अकॅडमीचे प्रशिक्षक रवींद्र वाघ यांचे देखील मुलांना उत्तमरीत्या घडवल्याबद्दल त्यांचे कौतुक केले. यावेळी कार्यक्रमात ब्लॅकबेल्ट झालेल्या मुलांचा सत्कार करण्यात आला. तसेच तळेगावमधून आयसीएससी इंटर स्कूल कॉम्पिटिशन नॅशनलसाठी सिलेक्ट झालेली मुलगी श्रेया मराठे हिचाही सत्कार करण्यात आला.
अधिक वाचा –
– वेहरगाव-दहिवली ग्रामपंचायतीच्या माजी सरपंच अर्चना देवकर यांना ‘आदर्श सरपंच पुरस्कार’ । Karla News
– कणखर आवाज हरपला ! प्रसिद्ध निवेदक अनिल धर्माधिकारी यांचे निधन । Talegaon Dabhade
– पर्यटन बंदी विरोधात लोणावळ्यात टॅक्सी असोसिएशनचा पायी मोर्चा, प्रशासनाला निवेदन देत तीव्र आंदोलनाचा इशारा । Lonavala News
