Dainik Maval News : मावळ तालुक्यातील वडेश्वर येथे जागतिक आदिवासी दिनानिमित्त विविध कार्यक्रमांचे आयोजन करण्यात आले होते. आदिवासी क्रांतिकारकांच्या प्रतिमांचे पूजन करून कार्यक्रमाची सुरूवात करण्यात आली. कार्यक्रमाच्या अध्यक्षस्थानी बबनराव हेमाडे हे होते. आदिवासी संस्कृती दर्शन घडविणारे नृत्य सादरिकरण, क्रांतिकारकांचे जीवन यावर भाषणे, रांगोळी स्पर्धा, चित्रकला स्पर्धा, निबंध स्पर्धा आदी कार्यक्रमांसह आदिवासी दिन उत्साहात साजरा करण्यात आला. ( मावळ तालुक्यातील प्रत्येक घडामोडीची अपडेट मिळवा दैनिक मावळच्या व्हॉट्सअॅप चॅनेलवर )
यावेळी स्पर्धेतील विजेत्या विद्यार्थ्यांना बक्षीसांचे वाटप करण्यात आले. तसेच यावेळी राज्याच्या कृषी पीक स्पर्धेत तृतीय क्रमांक मिळविलेले किसन शिवराम चिमटे यांचा, जिल्हास्तरीय स्पर्धेतील विजेते नारायण कोंडू हेमाडे यांचा विशेष सत्कार ट्रायबल फोरम मावळ तालुका यांच्यावतीने करण्यात आला. कार्यक्रमाचे सुत्रसंचालन गोगावले सर आणि गुलाबराव गभाले यांनी केले. वक्ते म्हणून बजरंग लोहकरे यांनी उपस्थितांना मार्गदर्शन केले. ( World Adivasi Day was celebrated enthusiastically with various programs at Vadeshwar Maval )
याप्रसंगी ट्रायबल फोरमचे माऊली आढरी, सरपंच मारुतराव खामकर, मधुकर कोकाटे, चंद्रभागा दाते, छाया हेमाडे, मुख्याध्यापक दहिफळे, राघोजी तळपे, कांताराम आसवले, रामदास गभाले, अनिल गवारी, हिरामण हेमाडे, बाळासाहेब पावशे, नाथा चिमटे, बाळासाहेब दाते, किसन गवारी, दत्ता मोरमारे, शिवाजी गवारी उपस्थित होते. मा सरपंच आनंद पवार यांनी सर्वांचे आभार मानले.
दरवर्षी 9 ऑगस्ट हा जागतिक आदिवासी दिन म्हणून साजरा केला जातो. 23 डिसेंबर 1994 रोजी संयुक्त राष्ट्रांच्या महासभेने घेतलेल्या निर्णयानुसार दरवर्षी 9 ऑगस्ट रोजी जागतिक आदिवासी दिवस साजरा केला जाईल. या दिवशी सर्व जण आदिवासी बांधव एकत्र येतात आणि आपापल्या संस्कृती प्रमाणे वेशभूषा करतात, गाणे आणि नृत्य करून हा दिवस मोठ्या आनंदाने साजरा करतात.
अधिक वाचा –
– राष्ट्रवादी काँग्रेसची जनसन्मान यात्रा शुक्रवारी मावळात येणार, अजित पवार साधणार लाडक्या बहिणींशी संवाद, वाचा अधिक
– मनोज जरांगेंची मराठा आरक्षण शांतता रॅली पुण्यात, ‘असा’ असेल मार्ग, पार्किंगसह चोख नियोजन, सभेला येणार लाखो मराठा बांधव
– आनंदाची बातमी ! पवना धरण काठोकाठ भरले, धरणातून विसर्ग पुन्हा सुरू । Pavana Dam News