ज्येष्ठ नागरिक मित्र मंडळाचा 29 वा वर्धापन दिन सौ. पुष्पाताई बवले सभागृह, तळेगाव दाभाडे येथे संपन्न झाला. यावेळी आमदार सुनिल शेळके यांनी स्वतः उपस्थित राहून सर्व वडीलधारी ज्येष्ठांना वर्धापन दिनाच्या शुभेच्छा दिल्या. ( 29th Anniversary of Senior Citizens Friends Association Talegaon Dabhade In Presence of MLA Sunil Shelke )
दैनिक मावळचा व्हॉट्सअ‍ॅप ग्रुप जॉइन करण्यासाठी इथे क्लिक करा
‘ज्येष्ठ नागरिक हा समाजाचा महत्त्वपूर्ण घटक आहे. कोणत्याही क्षेत्रात ज्येष्ठांच्या अनुभवी मार्गदर्शनाशिवाय यशस्वी वाटचाल करणे शक्य नाही. ज्येष्ठ नागरिक संघ म्हणजे एक कुटुंबच आहे. कुटुंबात असणारी नाती, प्रेम,आपुलकी या संघात जपली गेली आहेत. ज्येष्ठांच्या समस्या जाणून घेण्याबरोबरच आनंदी जीवनाचे हितगुज करण्यासाठी स्थापन झालेला जेष्ठ नागरिक संघ आज 29 वर्षे पूर्ण करतोय. आत्तापर्यंत संघाने विविध कार्यक्रम घेऊन ज्येष्ठांच्या जीवनात आनंदाचे क्षण निर्माण करण्याचा नेहमी प्रयत्न केला आहे. संघाचे सर्वसमावेशक काम आजही कौतुकास्पद आहे. त्यांच्या पुढील वाटचालीस शुभेच्छा’, असे मनोगत यावेळी आमदार शेळके यांनी व्यक्त केले.
यावेळी आमदार शेळकेंसह अध्यक्ष सुधाकर रेभोंटकर, उपाध्यक्ष शाळिग्राम भंडारी, द्वारकानाथ जालान, कोषाध्यक्ष विठ्ठल कदम, लायन्स क्लब अध्यक्ष मयूर राजगुरव, दशरथ बवले, सुमतीलाल शहा, मा अध्यक्ष विठ्ठलराव कांबळे, मेधा फल्ले, कार्यवाह गीता वालावलकर, सहकार्यवाह भाग्यश्री देशमुख, प्राची साठे, रंजना मुंगीकर, दिगंबर कुलकर्णी, लक्ष्मीकांत कुलकर्णी आदी मान्यवर उपस्थित होते.
अधिक वाचा –
– खळबळजनक! किरकोळ घरगुती वादातून पतीकडून पत्नीची निर्घृण हत्या, कामशेत येथील धक्कादायक घटना
– मावळमधील पुसाने गावात क्रिकेट टुर्नामेंट दरम्यान तुफान राडा, स्टम्प-बॅटने मारहाण
