वन परिक्षेत्र अधिकाऱ्यांच्या बनावट पत्रांच्या आधारे वन विभागाच्या दोन हजार 942 गुंठे जमिनीची विक्री करत शासनाची फसवणूक केल्याचा धक्कादायक प्रकार उघडकीस आला आहे. तळेगाव दाभाडे पोलिसांच्या हद्दीत दिनांक 16 डिसेंबर 2020 ते 21 जानेवारी 2021 या कालावधीत हा प्रकार घडला. याप्रकरणी तळेगाव पोलिसांत गुन्हा दाखल करण्यात आला आहे. ( मावळ तालुक्यातील प्रत्येक घडामोडीची अपडेट मिळवा दैनिक मावळच्या व्हॉट्सअॅप चॅनेलवर )
रफिक दाऊद रुवाला (वय 73), आली अजगर (वय 20), एक महिला (सर्व रा. नेरूळ रोड, ठाणे) अशी गुन्हा दाखल झालेल्यांची नावे आहेत. याप्रकरणी आंबवणे येथील वनपाल संजय आहिरराव यांनी मंगळवारी (दि. 21) तळेगाव दाभाडे पोलीस ठाण्यात फिर्याद दिली. ( Fraud in land transactions by creating false documents Talegaon Dabhade )
पोलिसांनी दिलेल्या माहितीनुसार, ताम्हिणी वन परिक्षेत्राच्या अखत्यारीत काही क्षेत्र खासगी वन संपादन अधिनियम 1975 अंतर्गत येते. त्या जमिनीची विक्री करण्यासाठी वन परिक्षेत्र अधिकाऱ्यांची परवानगी अनिवार्य असते. आरोपींनी या जमिनीतील दोन हजार 942 गुंठे जमीन विक्रीयोग्य असल्याचे वन परिक्षेत्र अधिकाऱ्यांच्या नावाचे बनावट पत्र तयार केले. त्या पत्राच्या आधारे दुय्यम निबंधक मावळ 2, तळेगाव दाभाडे येथे तीन वेगवेगळे दस्त करून वन विभागाचे क्षेत्र बेकायदेशीरपणे हस्तांतरित केले. हा प्रकार उघडकीस आल्यानंतर याप्रकरणी गुन्हा दाखल करण्यात आला असून तळेगाव दाभाडे पोलिस पुढील तपास करीत आहेत.
अधिक वाचा –
– ग्रामपंचायत निवडणूक लढवलेल्या सर्व उमेदवारांसाठी महत्वाची सुचना, ‘या’ तारखेपर्यंत खर्च सादर करा, अन्यथा…
– बिनविरोध सरपंच निवड झालेल्या आढले बुद्रुक गावच्या उपसरपंचपदी ‘यांची’ निवड
– कौतुकास्पद! मेघराज राजेभोसले यांच्या वाढदिवसानिमित्त विद्यार्थी वसतिगृहाला अन्नधान्याची मदत