मराठा आरक्षणाच्या ( Maratha Reservation ) मागणीसाठी मनोज जरांगे पाटील यांच्या नेतृत्वात मराठा समाज मुंबईच्या दिशेने (Foot March to Mumbai) रवाना झाला आहे. शनिवारी (दि. 20) ठरल्या दिवशी मनोज जरांगे (Manoj Jarange Patil) आपल्या लाखो समर्थकांसह मुंबईच्या दिशेने रवाना झाले असून या दरम्यान त्यांचा लोणावळा (ता. मावळ) येथेही मुक्काम होणार आहे. मनोज जरांगे पाटील आणि लाखो मराठा आंदोलकांचा बुधवारी (दि. 24) लोणावळा (Lonavala Maval Taluka) जवळ मुक्काम होणार आहे. त्याअनुषंगाने जुण्या पुणे-मुंबई महामार्गालगत वाकसई येथील संत तुकाराम महाराज पादुका स्थानाजवळ 100 एकर जागेवर मराठा बांधवांच्या मुक्कामाची तयारी युद्ध पातळीवर सुरु आहे.
लोणावळ्यात सायंकाळी 6 वाजता जरांगे पाटील यांच्या सभेचेही आयोजन करण्यात आले आहे. याठिकाणी इथपर्यंतच्या प्रवासात लाखोंच्या संख्येने मराठा बांधव जमा होण्याची शक्यता आहे. त्यामुळे सकल मराठा समाज मावळ तालुका यांच्या वतीने सेवाभावी वृत्तीने काम सुरु आहे. यात येणाऱ्या मराठा बांधवांना जेवण, पाणी, राहण्या-बसण्याची सोय यासाठी नियोजन कऱण्यात आले आहे. सभेच्या स्थळाची जेसीबीच्या साहाय्याने साफसफाई, स्वच्छता करम्यात आली असून जागेचे सपाटीकरणाचे केले आहे. ( मावळ तालुक्यातील प्रत्येक घडामोडीची अपडेट मिळवा दैनिक मावळच्या व्हॉट्सअ‍ॅप चॅनेलवर )
मावळ तालुक्यात अनेक मराठा समाजाचे स्वयंसेवक याठिकाणी स्वतःहून उपस्थित राहून काम करत आहे. शंभर एकर जागेत सभेला तुफान गर्दी होण्याची शक्यता असल्याने तशी पार्कींग व्यवस्था सभोवतालच्या जागेत करण्यात आली आहे. वाकसई सह शिलाटणे, कार्ला, वेहेरगाव आदी गावांत वाहनांसाठी प्रशस्त पार्किंगची व्यवस्था करण्यात आली आहे. तसेच महामार्गालगत असलेल्या हॉटेल्स, रिसॉर्ट्स चालकांनाही यासंदर्भात विनंती करण्यात आली आहे. ( Maratha Reservation Foot March to Mumbai Manoj Jarange Patil Stayed at Lonavala Maval on 24th January )
अधिक वाचा –
– मदतीचा हात! विठ्ठलवाडी जिल्हा परिषद शाळेतील 70 गरजू विद्यार्थ्यांना गणवेश वाटप । Dehu News
– शेकडो वर्षांची प्रतिक्षा संपली… प्रभू श्रीराम राममंदिरात विराजमान! पाहा रामलल्लाचं तेजस्वी रुप । Ram Lalla Idol Unveiled ShriRam Temple Ayodhya
– ‘लोणावळा उपजिल्हा रुग्णालयाच्या ऑक्सिजन प्लांटसाठी आवश्यक जागा नगरपरिषद देईल’ – आमदार शेळके
