अभंग प्रतिष्ठान श्रीक्षेत्र देहू ( Abhang Pratishthan ) आणि विश्व फाउंडेशन (Vishwa Foundation) यांच्या माध्यमातून जिल्हा परिषद शाळा विठ्ठलवाडी – देहुगाव (Dehu Village) या ठिकाणी गरजू आणि गरीब विद्यार्थ्यांना गणवेश वाटप करण्यात आला. याप्रसंगी एकूण सत्तर विद्यार्थी व विद्यार्थिनींना गणवेश वाटप व सर्व विद्यार्थ्यांना खाऊ वाटप करण्यात आला. या गणवेशासाठी कौस्तुभ जोशी, भीमसेन पुरोहित, श्रीकांत ओक, महेशकुमार गायकवाड, प्रज्ञा राऊत, पुनम पाटील, वैभव पाटील, सुमन पुरोहित यांनी विशेष आर्थिक सहकार्य केले. ( मावळ तालुक्यातील प्रत्येक घडामोडीची अपडेट मिळवा दैनिक मावळच्या व्हॉट्सअ‍ॅप चॅनेलवर )
या सर्वांची विशेष उपस्थिती या कार्यक्रमास लाभली. गणवेश वाटप झाल्यानंतर या मुलांच्या चेहऱ्यावरचा आनंद शब्दांच्या पलीकडचा होता. याप्रसंगी या शाळेचे मुख्याध्यापक सहदेव डोंबे, किशोर भोसले, सुमन रसाळ, अन्नपूर्णा कुंभार, रेश्मा फलफले, भोसले मॅडम, अभंग प्रतिष्ठानचे उपाध्यक्ष वैभव काळोखे, स्वीकृत नगरसेवक सचिन कुंभार, प्रशांत काळोखे, अभिनव काळोखे, उमेश कुंभार, पांडुरंग जाधव, विकास कंद, अजिंक्य साकोरे व विश्व फाउंडेशन चे सर्व पदाधिकारी सदस्य उपस्थित होते. ( Distribution of uniforms to needy students at Zilla Parishad School Vitthalwadi Dehu )
याप्रसंगी भीमसेन पुरोहित सरांनी आपल्या भावना व्यक्त करताना, मुलांनी आपली कौटुंबिक परिस्थिती जरी गरीब असली तरी मोठी स्वप्न पाहिली पाहिजेत. जीवनात मोठे ध्येय ठेवले पाहिजे व ते मिळवण्यासाठी जिद्दीने प्रयत्न केला पाहिजे. अभ्यास केला पाहिजे आणि या प्रवासात आम्ही सर्वजण तुमच्या सदैव सोबत आहोत, अशा भावना व्यक्त केल्या. कार्यक्रमाचे प्रास्ताविक शाळेचे मुख्याध्यापक सहदेव डोंबे यांनी केले, तर आभार प्रदर्शन रेश्मा फलफले यांनी केले. कार्यक्रमाचे सूत्रसंचालन किशोर भोसले यांनी केले.
अधिक वाचा –
– खासदार श्रीरंग बारणे यांच्या हस्ते पवनानगर ते कोथूर्णे रस्ता आणि आर्डव-ब्राम्हणोली रस्त्याचे भूमिपूजन । Maval News
– तळेगांव दाभाडे शहरातील कारसेवकांचा बाळा भेगडेंच्या हस्ते ‘श्रीराम भक्त’ सन्मानचिन्ह देऊन सत्कार । Talegaon Dabhade Kar Sevak
– श्रीराम मंदिर लोकार्पण सोहळ्याच्या पार्श्वभूमीवर देहूतील श्री तुकाराम महाराज मंदिर परिसरात स्वच्छता मोहीम । Dehu News
