सध्या एप्रिल हीट सर्वत्र जाणवू लागली आहे. उन्हाची तीव्रता वाढली आहे. त्यात भर दुपारी तर उन्हाची तीव्रता अधिक असते. अशावेळी शरीराला थंडावा मिळावा म्हणून थंड पाणी पिणे, सरबत घेणे किंवा थंड पाण्याने अंघोळ करणे असे मार्ग अवलंबले जातात. गावाकडे नदी, डोह, तलाव अथवा विहिरीत मुले अंघोळ करतात. परंतू हाच अंघोळीचा मोह आढले खुर्द (ता. मावळ) येथे एका युवकाच्या जीवावर बेतला आहे. ( मावळ, पिंपरी-चिंचवड, पुणे परिसरातील ताज्या अपडेट्ससाठी दैनिक मावळचा व्हॉट्सअ‍ॅप चॅनेल जॉईन करा )
शुक्रवारी (दि. 5 ) टाकवे गावाजवळील एका विहिरीत संजय महेंद्र चौहान (रा. बराई उत्तर प्रदेश) या 35 वर्षीय युवकाचा बुडून मृत्यू झाला आहे. त्याच्या विहिरत बुडण्याची खबर मिळताच लोणावाळा ग्रामीण पोलिस आणि शिवदुर्गची रेस्क्यू टीम घटनास्थळी दाखल झाली. परंतू सायंकाळी साडेचार वाजता सदर युवकाचा मृतदेह पाण्याबाहेर काढण्यात आला. ( Youth dies after drowning in a well Incident in Takve Khurd village lonavala rural police limits )
महादेव भवर, चंद्रकात बोंबले, आकाश मोरे, शनी सुतार, महेश मसने, सागर कुंभार, प्रवीण देशमुख, योगेश दळवी या शिवदुर्गच्या सदस्यांनी मृतदेह शोधण्यात आणि पाण्याबाहेर काढण्यात मदत केली. तर लोणावळा ग्रामीणचे रफिक शेख हे पुढील तपास करत आहेत.
अधिक वाचा –
– राष्ट्रवादी काँग्रेसची पूर्ण ताकद खासदार बारणे यांच्या पाठीशी उभी राहिल – अजित गव्हाणे यांचे आश्वासन
– सोसायटी मेंटेनन्स न भरल्यास जप्ती कायदेशीरच, हायकोर्टाचा महत्वपूर्ण निर्वाळा
– ‘उड्डाणपूल हवा पण…’ वडगावमधील केशवनगर रेल्वे फाटकाच्या जागेवरील नियोजित उड्डाणपुलाला बाधित शेतकऱ्यांचा तीव्र विरोध
