तळेगाव दाभाडे येथील ग्रामदैवत श्री डोळसनाथ महाराजांच्या वार्षिक उत्सवानिमित्त विविध कार्यक्रमांचे आयोजन करण्यात आले होते. वार्षिक उत्सवानिमित्त भव्य बैलगाडा शर्यतीसह, विविध सांस्कृतिक कार्यक्रम आणि निकाली कुस्त्यांचा जंगी आखाड्याचे आयोजन करण्यात आले होते. यंदाच्या कुस्तीच्या आखाड्यात ‘महाराष्ट्र केसरी’ बाला रफिक शेख आणि पंजाबचा मल्ल यतिंदर या दोन मल्लांमध्ये अखेरची लढत झाली. अत्यंत चुरशीच्या झालेल्या या लढतीत बाला रफिक शेखने यतिंदर यास टांग डावावर चितपट करून प्रथम क्रमांकाचे रोख बक्षीस व चांदीची गदा पटकाविली. ( मावळ, पिंपरी-चिंचवड, पुणे परिसरातील ताज्या अपडेट्ससाठी दैनिक मावळचा व्हॉट्सअॅप चॅनेल जॉईन करा )
यंदा आखाड्यात एकूण सुमारे 7 लाख 50 हजार रुपयांची रोख बक्षीसे देण्यात आली. अनेक नामांकित मल्लांच्या कुस्त्या यावेळी झाल्या. आर्यन दाभाडे, आदित्य भेगडे, आराध्या भेगडे, आस्मी लोणारी या तळेगावातील मल्लांनीही प्रेक्षणीय कुस्त्या केल्या. आखाड्यात एकूण 75 लहान-मोठ्या कुस्त्या निकाली झाल्या. पंच म्हणून बाळासाहेब सातकर, बाळतात्या भेगडे, अॅड. रवींद्रनाथ दाभाडे, अशोक भेगडे, छबूराव भेगडे, प्रताप भेगडे आदींनी काम पाहिले. हंगेश्वर धायगुडे यांनी कुस्तीचे समालोचन केले. गोरख काकडे यांनी सूत्रसंचालन केले. ( Talegaon Dabhade Dolasnath Maharaj Annual Festival 2024 Wrestling and Bail Gada Competition )
देविदास सावंत, मारुती केंजळे, हर्षवर्धन कदम यांचा गाडा ठरला घाटाचा राजा –
श्री डोळसनाथ महाराज यात्रेनिमित्त आयोजित बैलगाडा शर्यतीमध्ये पहिल्या दिवशी देविदास सावंत, मारुती केंजळे यांच्या तर दुसऱ्या दिवशी हर्षवर्धन सुभाष कदम यांच्या बैलजोडीने घाटाचा राजा हा मान मिळविला. गावामधून सोमाभाऊ भेगडे यांच्या गाड्याचा प्रथम क्रमांक आला. घाटाचा राजा बहुमान मिळविणाऱ्या बैलगाड्यांना प्रत्येकी 3 हजार 200 रुपये बक्षीस देण्यात आले. 13 सेकंदामध्ये 51 गाडे धावले. त्यांना प्रत्येकी रोख 1 हजार 900 रुपये बक्षीस दिले. 14 सेकंदामध्ये 77 गाडे धावले. त्यांना प्रत्येकी 600 रुपये बक्षीस दिले. 15 सेकंदामध्ये 37 गाडे धावले. त्यांनाही बक्षीस दिले गेले. या घाटात फळीफोडमध्ये महेंद्र वारिंगे, शिवाजी जांभूळकर, संतोष पिंगळे यांना बक्षिस मिळाले.
अधिक वाचा –
– ‘ऐतिहासिक तळ्याभोवतीचे कठडे तातडीने दुरुस्त करा आणि तळ्याची स्वच्छता करून त्यात छत्रपती शिवरायांचा पुतळा उभारा’ । Vadgaon Maval
– दिनेश शर्मा यांच्या उपस्थितीत मावळ भाजपाचा संवाद मेळावा संपन्न; महायुतीचा उमेदवार विजयी करण्याचे आवाहन । Maval Lok Sabha
– मावळ विधानसभा मतदारसंघातील साडेतीन हजार अधिकारी-कर्मचाऱ्यांना प्रशिक्षण । Maval Lok Sabha 2024
