मावळ तालुक्यातील नुतन महाराष्ट्र विद्या प्रसारक मंडळाच्या श्री एकविरा विद्या मंदिर शाळेतील 5 विद्यार्थी आर्थिक दृष्ट्या दुर्बल घटक शिष्यवृती परीक्षा अर्थात एन.एम.एम.एस. परीक्षेत पुणे जिल्हा गुणवत्ता यादीत चमकले आहेत. यामध्ये कु. समृद्धी राहुल काळे ही विद्यार्थीनी खुल्या संवर्गातून संपूर्ण पुणे जिल्ह्यात सातवी, तर अनुसुचित जाती संवर्गातून संपूर्ण पुणे जिल्ह्यातून पहिली आली आहे. ( मावळ तालुक्यातील प्रत्येक घडामोडीची अपडेट मिळवा दैनिक मावळच्या व्हॉट्सअॅप चॅनेलवर )
महाराष्ट्र शासनाच्या वतीने घेण्यात आलेल्या अर्थिक दृष्ट्या दुर्बल घटक शिष्यवृती परीक्षेत श्री एकविरा विद्या मंदिरातील कु. समृद्धी काळे, कु. प्रणाली दिपक नरवडे, कु. ज्ञानेश्वरी संतोष हुलावळे, कु. अनिशा गणेश गायकवाड आणि कु. कृष्णा हरिचंद्र केदार या पाच विद्यार्थ्यांंची शिष्यवृतीसाठी निवड झाली असून सदर विद्यार्थांंना पुढील शिक्षणासाठी साठ हजार रुपये शिष्यवृती मिळणार आहे. ( Karla Ekvira Vidya Mandir School Students Get Success In NMMS Scholarship Examination )
सर्व विद्यार्थ्यांना मार्गदर्शन करणारे शिक्षक उमेश किसन इंगुळकर हे दरवर्षी शाळेचे विद्यार्थी गुणवत्ता यादीत आणून असून आतापर्यंत 23 विद्यार्थी गुणवत्ता यादीत आले असून यावर्षी देखील 5 विद्यार्थ्यांना गुणवत्ता यादीत आणत शाळेच्या आणि नु.म.वि. संस्थेच्या शिरपेचात मानाचा तुरा रोवण्याचे काम करत असल्याने, त्यांच्यावरही अभिनंदनाचा वर्षाव होतो आहे.
तसेच महाराष्ट्र शासनाच्या सारथी योजनेअंतर्गत छत्रपती राजाराम महाराज शिष्यवृत्तीसाठी कु. श्रावणी उत्तम तरस, कु. अनुष्का सोपान येवले, कु. श्रृती गणेश देवकर, कु.रोहित अंकुश हुलावळे, कु. स्नेहा अनिल नाणेकर, कु.गौरव सोमनाथ गायकवाड, कु. मंथन गणपत ढाकोळ, कु. कावेरी भोजराज तरोणे या विद्यार्थांंची निवड झाली आहे.
सर्व यशस्वी विद्यार्थांचे आणि मार्गदर्शक शिक्षकांचे संस्थेचे अध्यक्ष तथा माजी राज्यमंत्री संजय भेगडे, उपाध्यक्ष गणेश खांडगे, सचिव संतोष खांडगे, सहसचिव नंदकुमार शेलार, खजिनदार राजेश म्हस्के, शालेय समिती अध्यक्ष सोनबा गोपाळे, मुख्याध्यापक संजय वंजारे, सरपंच दिपाली हुलावळे, उपसरपंच किरण हुलावळे, संस्था संचालक मंडळ, सर्व कार्ला ग्रामपंचायत सदस्य, शाळेचे शिक्षक शिक्षेकेतर कर्मचारी तसेच परिसरातील ग्रामस्थांनी अभिनंदन केले आहे.
अधिक वाचा –
– देवघर येथे रंगला एकविरा देवीचा भाऊ श्री काळभैरवनाथ महाराजांचा पालखी मिरवणूक सोहळा, हजारो भाविकांची उपस्थिती । Karla Ekvira Devi Yatra
– किल्ले तिकोणा गडावर यंदाही जल्लोषात साजरी होणार श्रीराम नवमी । Tikona Fort
– मोरया प्रतिष्ठानची ‘सफर गड दुर्गांची’ पाचवी मोहिम किल्ले तिकोणा गडावर, 90 बालकांचा सहभाग । Vadgaon Maval
