भारतातील पहिलावहिला पर्यावरण-स्नेही पक्ष अशी ओळख असलेला आणि कामगार-शेतकरी यांसाठी काम करणाऱ्या ‘धर्मराज्य’ पक्षाकडून महेश ठाकूर यांनी मावळ लोकसभेसाठी त्यांचा उमेदवारी अर्ज दाखल केला आहे. बुधवार, दि. 24 एप्रिल रोजी ठाकूर यांनी आकुर्डी येथील पुणे विकास प्राधिकरण कार्यालयात मावळ लोकसभेसाठी नामनिर्देशन अर्ज दाखल केला. ( मावळ तालुक्यातील प्रत्येक घडामोडीची अपडेट मिळवा दैनिक मावळच्या व्हॉट्सअॅप चॅनेलवर )
यावेळी ‘धर्मराज्य पक्षा’चे संस्थापक/अध्यक्ष राजन राजे यांच्यासह, पक्षाचे उपाध्यक्ष नितीन देशपांडे, सचिव जयेंद्र जोग, सह-सचिव नरेंद्र पंडित, खजिनदार अजित सावंत, महाराष्ट्र राज्य महिला समन्वयक स्वप्नाली पवार, ठाणे लोकसभा महिला अध्यक्षा पौर्णिमा सातपुते, आदी पदाधिकारी आणि रिक्षा संघटनेचे कार्यकर्ते उपस्थित होते. ( Dharmarajya Party Mahesh Thakur Filed Nomination Form For Maval Lok Sabha Constituency )
उमेदवारी अर्ज दाखल करण्यापूर्वी महेश ठाकूर यांनी, पनवेल तालुक्यातील कामोठे येथील जागृत हनुमान मंदिरात दर्शन घेतले. दरम्यान, पुणे जिल्ह्यातील तीन आणि रायगड जिल्ह्यातील तीन, असे सहा विधानसभा मतदारसंघ मिळून मावळ लोकसभा मतदारसंघाची रचना असून, सह्याद्रीच्या दोन्ही बाजूंना असणाऱ्या सांस्कृतिक विविधतेच्या सौंदर्याने नटलेला आणि शहरी, निमशहरी, ग्रामीण व आदिवासी भागासहित, कामगारवर्गाचं प्राबल्य अशी वैविध्यपूर्ण रचना असलेला हा मावळ मतदारसंघ आहे. सर्वसामान्य कष्टकरीवर्गाचा प्रतिनिधी तसेच, पक्षाध्यक्ष राजन राजे यांचा अत्यंत विश्वासू सहकारी असलेला खंदा कार्यकर्ता, अशी महेश ठाकूर यांची आहे.
कोण आहेत महेश ठाकूर?
‘धर्मराज्य पक्ष’प्रणित ‘धर्मराज्य कामगार-कर्मचारी महासंघ’ या कामगार संघटनेचे महासचिव म्हणून, महेश ठाकूर यांनी, गेल्या दहा ते बारा वर्षांच्या कालावधीत ठाणे जिल्हा, नवी मुंबई आणि रायगड जिल्ह्यातील अनेक कंपन्यांमधील कामगारांसाठी, लोकशाही व सनदशीरमार्गाने संघर्ष करीत, त्यांना न्याय्य मिळवून दिलेला आहे.
अधिक वाचा –
– संतापजनक ! अतिक्रमणाची बातमी लावली म्हणून पत्रकारांना शिवीगाळ आणि दमदाटी, कामशेत पोलिस ठाण्यात गुन्हा दाखल । Maval Crime
– काय सांगता ? अर्ज दाखल करण्याच्या शेवटच्या दिवशी मावळ लोकसभेसाठी ‘संजय वाघेरे’ नावाने उमेदवारी अर्ज दाखल । Maval Lok Sabha
– मावळ लोकसभा निवडणूकीसाठी खर्च निरीक्षक म्हणून सुधांशू राय यांची नियुक्ती । Maval Lok Sabha