बेकायदेशीररीत्या मेफेड्रॉन (एमडी) हे अमली पदार्थ बाळगल्याप्रकरणी गुन्हे शाखा युनिट पाचच्या पथकाने दोन जणांना अटक केली आहे. मुंबई-पुणे द्रुतगती मार्गावर तळेगाव-उर्से रस्त्यावर शनिवारी (दि. 27) ही कारवाई करण्यात आली. ( मावळ तालुक्यातील प्रत्येक घडामोडीची अपडेट मिळवा दैनिक मावळच्या व्हॉट्सअ‍ॅप चॅनेलवर )
जनार्दन दगडू पवार (34, रा. वडगाव मावळ), शशिकांत बाळासाहेब मराठे (वय 25, रा. वराळे, ता. मावळ ) अशी अटक केलेल्यांची नावे आहेत. आरोपींकडे मेफेड्रॉन असल्याची माहिती पोलिसांना मिळाली होती. त्यानुसार पोलिसांनी सापळा रचून दोघांना ताब्यात घेतले. ( Crime Branch arrested two persons in connection with sale of Mephedrone MD drug )
पोलिस अंमलदार दत्तात्रय बनसुडे यांनी दिलेल्या फिर्यादीनुसार, पोलिसांनी आरोपींकडून 25.40 ग्रॅम मेफेड्रॉन (एमडी) आणि दोन मोबाईल असा एकूण 2 लाख 73 हजार रुपये किमतीचा मुद्देमाल जप्त केला. तळेगाव दाभाडे पोलिस प्रकरणाचा अधिक तपास करत आहेत.
अधिक वाचा –
– तळेगाव दाभाडे नगरपरिषदेकडून मागील आर्थिक वर्षात 23 कोटींची कर वसुली, वाचा कोणत्या विभागात किती टक्के वसूली । Talegaon Dabhade
– दुःखद ! मावळ तालुक्यातील राष्ट्रवादीचे ज्येष्ठ नेते आबूराव धनवे यांचे प्रदीर्घ आजाराने निधन । NCP Leader Aaburao Dhanve Passed Away
– पंतप्रधान नरेंद्र मोदी पुण्यात येणार, सुरक्षेच्या दृष्टीने ‘या’ तीन दिवसांत पॅराग्लायडींग, ड्रोन उडवण्यावर बंदी । Pune News
