लग्न लावून घरी परतत असताना अज्ञात चोरट्यांनी दुचाकीवरून पाठलाग करुन महिलांच्या गळ्यातील सोन्याचे गंठण हिसकवल्याच्या दोन घटना कामशेत पोलीस स्टेशन हद्दीत घडल्या आहेत. रविवारी (दि. 28 एप्रिल) रात्री साडेनऊच्या सुमारास हा प्रकार घडला. दुचाकीवरील दोन चोरट्यांनी दोन ठिकाणी सोन्याचे गंठन हिसकावले. यात एकूण 8 लाख 62 हजार किमतीचे 13 तोळे सोन्याचे दागिने चोरट्यांनी लंपास केले आहे. ( मावळ तालुक्यातील प्रत्येक घडामोडीची अपडेट मिळवा दैनिक मावळच्या व्हॉट्सअॅप चॅनेलवर )
कामशेत पोलिस ठाण्याच्या हद्दीत नायगाव गावाजवळ आणि पाथरगाव गावाजवळ या दोन घटना घडल्या. दोन्ही घटनेत फिर्यादी महिलांचे सोन्याचे गंठन चोरट्यांनी हिसकावून नेले. दोन्ही महिलांनी याबाबत कामशेत पोलीस स्टेशनमध्ये फिर्याद दिली आहे. पोलिसांनी चोरट्यांना पकडण्यासाठी पथक तयार केले असून सीसीटीव्ही कॅमेरे तपासणीद्वारे शोध सुरु आहे. ( womens mangalsutra snache by thief 2 incident near kamshet police station limits )
पोलीस निरीक्षक रवींद्र पाटील यांनी दिलेल्या माहितीनुसार दोन्ही महिला फिर्यादी या हिरकणी मंगल कार्यालयात लग्न समारंभाला आल्या होत्या. लग्न लावून दुचाकीवरून घरी जाताना साधारण 20 ते 25 वर्ष वयोगटातील अनोळखी चोरट्यांनी फिर्यादी दुचाकीच्या मागे बसलेल्या होत्या त्यांच्या गळ्यातील गंठण हिसकावून नेले. यात फिर्यादी दुचाकीवरून खाली पडल्याने जखमी झाल्या आहेत.
सदर चोरटे अंधाराचा फायदा घेऊन फरार झाले. यात नायगाव हद्दीत घडलेल्या घटनेत फिर्यादी महिलेचे 5 लाख 52 हजार रुपयांचे गंठण तर पाथरगाव हद्दीत घडलेल्या घटनेत फिर्यादी महिलेचे 3 लाख 10 हजार रुपयांचे गंठण हिसकावून नेले. सदर घटनेने परिसरातील महिलांमध्ये भीतीचे वातावरण निर्माण झाले आहे.
अधिक वाचा –
– वडगावात 1 मे रोजी पार पडणार 11 जोडप्यांचा सामुदायिक विवाहसोहळा; वधू-वरांना मिळणार कपडे, अलंकार, संसाराच्या वस्तू आणि बरंच काही
– पंतप्रधान नरेंद्र मोदींसाठी मुरलीधर मोहोळ यांच्या संकल्पनेतून साकारलीये खास ‘दिग्विजय योद्धा पगडी’, काय आहे खासियत? वाचा
– श्रीमंत दगडूशेठ हलवाई गणपतीला मोगरा महोत्सवाच्या निमित्ताने 50 लाख मोगऱ्यांचा पुष्पनैवेद्य – पाहा सुंदर फोटो
