मावळ तालुक्यात पावसाळी पर्यटनासाठी येणाऱ्या पर्यटकांच्या सुरक्षिततेच्या अनुषंगाने तसेच कायदा सुव्यवस्थेचा प्रश्न निर्माण होऊ नये यासाठी दिनांक 2 जुलै ते 31 जुलै पर्यंत भुशी डॅम, धरण परिसर, गड-किल्ले परिसर, टायगर पॉइंट, लायन्स पॉइंट, पवना धरण, तलाव आणि इतर ठिकाणी सायकांळी 6 ते सकाळी 6 वाजेपर्यंत पर्यटकांना फिरण्यास मनाई करण्यात आली आहे. असे असतानाही पोलिसांची नजर चुकवून आणि वेळेचे नियम तोडून टायगर पॉइंट येथे हुल्लडबाजी करणाऱ्या 5 जणांवर लोणावळा ग्रामीण पोलिसांनी कारवाई केली आहे. ( मावळ तालुक्यातील प्रत्येक घडामोडीची अपडेट मिळवा दैनिक मावळच्या व्हॉट्सअॅप चॅनेलवर )
गुन्हा दाखल करण्यात आलेल्या पर्यटकांची नावे,
1) जितेंद्र रमेश वाकळे (वय 37, रा. पनवेल, रायगड)
2) सागर रमेश वाकळे (वय 34, रा. भिवंडी, ठाणे)
3) अंकुश रामचंद्र वाकळे (वय 43, रा. भिंवडी ठाणे)
4) हेमंत सुरेंद्र ढसाळ (वय 33, रा. भायखळा, मुंबई)
5) किरण भासकर सोनावणे (वय 33, रा. कोळीवाडा, ठाणे)
वरील 5 जण शनिवारी (दि. 13 जुलै) रात्री साडेसातच्या सुमारास आतवण गावच्या हद्दीत टायगर पॉइंट येथे वाहन थांबवून एकत्रितरित्या आरडाओरड करताना आणि हुल्लडबाजी करताना मिळून आले. त्यामुळे त्यांच्याविरोधात लोणावळा ग्रामीण पोलीस स्टेशन येथे भारतीय न्याय संहीता 2023 चे कलम 223 अन्वये गुन्हा दाखल करण्यात आला आहे.
लोणावळा आणि परिसरात सध्या जोरदार पाऊस पडत असून नदी, नाले, धबधबे इ. ठिकाणी मोठ्या प्रमाणावर पाणी वाहत आहे. त्यामुळे पर्यटकांनी पाण्याचा अंदाज नसताना धरण क्षेत्रात व धबधब्याच्या क्षेत्रात प्रवेश करू नये. तसेच पोलिस प्रशासनाने दिलेल्या आदेशाचे आणि सुचनांचे पालन करून ठरवून दिलेल्या वेळेतच पर्यटनाचा आनंद घ्यावा, असे आवाहन लोणावळा ग्रामीण पोलिसांकडून करण्यात आले आहे. ( case filed against 5 tourists who defied time limit and went on a rampage at Tiger Point Lonavala police )
अधिक वाचा –
– कुंडमळा येथे पर्यटनासाठी येताय ? मग हे नियम वाचून घ्या, धोकादायक पर्यटन न करण्याचे आवाहन । Indori Kundamala Waterfalls
– शाब्बास पोरी ! सानिया गपचुप हिची पदव्युत्तर शिक्षणासाठी न्यूयॉर्क विद्यापीठामध्ये निवड ; बाळा भेगडे यांच्याकडून सन्मान
– चमकदार कामगिरीबद्दल इनर व्हील क्लब ऑफ तळेगाव दाभाडेला अनेक पुरस्कार । Talegaon Dabhade
