Dainik Maval News : आंदर मावळ विभागात मागील अनेक दिवसांपासून विजपुरवठ्याबाबत समस्या वाढू लागल्या आहेत. अनियमित वीज पुरवठ्यामुळे नागरिक हैराण झाले असून नागरिकांच्या तक्रारीचे प्रमाण देखील वाढल्याने आमदार सुनिल शेळके यांनी याभागात पाहणी करून शेतकरी, कामगार, नागरिक यांच्या समस्या समजून घेतल्या. ( मावळ तालुक्यातील प्रत्येक घडामोडीची अपडेट मिळवा दैनिक मावळच्या व्हॉट्सअॅप चॅनेलवर )
मागील काही दिवसांपासून येथे अनियमित वीजपुरवठा होत असून विजेच्या समस्यांमुळे ग्रामस्थ आणि शेतकरी त्रस्त झाले आहेत. ग्रामस्थांनी केलेल्या मागणीनुसार आंदार शेळकेंनी आंदर मावळातील गावांमध्ये वीज वितरणच्या अधिकाऱ्यांसमवेत प्रत्यक्ष जाऊन पाहणी केली आणि स्थानिकांकडून समस्या जाणून घेतल्या. यावेळी आमदार शेळके यांसह राजगुरुनगर विभागाचे कार्यकारी अभियंता राजेंद्र येडके, वडगाव उपविभागाचे उपकार्यकारी अभियंता शैलेश गीते, एकविरा देवस्थान ट्रस्टचे अध्यक्ष दिपक हुलावळे, आंदर मावळमधील जेष्ठ मान्यवर, सरपंच, सदस्य व ग्रामस्थ उपस्थित होते. ( Irregular electricity supply in Andar Maval division MLA Sunil Shelke reviewed )
“विजेच्या समस्यांमुळे नागरिकांना नाहक त्रास सहन करावा लागत आहे. शेतकऱ्यांना देखील आर्थिक फटका बसत आहे. वीज कंपन्यांची देखभाली बाबतची अनास्था यामुळे पावसाळ्यात विद्युत अपघातांचे प्रमाण देखील वाढते. प्रत्येक गावनिहाय पाहणी केल्याने या समस्यांवर काय उपाययोजना करता येतील, याची माहिती घेण्यात आली आहे. अधिक क्षमतेचे नवीन ट्रान्सफॉर्मर बसविणे, विद्युत खांब बसविणे, कर्मचारी संख्या वाढविणे यासारख्या उपाययोजना तातडीने करण्याचे आश्वासन उपस्थित अधिकाऱ्यांनी दिले आहे. ही कामे पूर्ण झाल्यावर वीज पुरवठा खंडित होण्याचे प्रमाण देखील कमी होईल व या भागातील विजेसारख्या पायाभूत समस्येचे संकट नक्कीच दूर केले जाईल.” अशी माहिती आमदार सुनिल शेळके यांनी दिली.
अधिक वाचा –
– बहिणींनंतर आता लाडक्या भावांसाठी योजना, महिन्याला 10 हजार मिळणार, काय आहे मुख्यमंत्री युवा प्रशिक्षण योजना? वाचा सविस्तर
– मावळ पुन्हा हादरलं ! अल्पवयीन मुलीवर लैंगिक अत्याचार, आरोपीची थेट येरवडा कारागृहात रवानगी । Maval Crime
– मावळ तालुक्यातील पाचवी आणि आठवीच्या शिष्यवृत्तीधारक विद्यार्थ्यांचा पंचायत समितीत सत्कार । Maval News
