Dainik Maval News : पवन मावळ विभागातील महत्वाच्या शिळींब विविध कार्यकारी सेवा सहकारी संस्था मर्या. शिळींब (ता. मावळ) या संस्थेच्या पदाधिकारी आणि तज्ञ संचालक पदाची निवड प्रक्रिया मंगळवारी पुर्ण झाली. यावेळी चेअरमनपदी प्रकाश धनवे, व्हाइस चेअरमन पदी निवृत्ती धनवे आणि तज्ञ संचालक पदी भगवान दरेकर यांची निवड करण्यात आली. ( मावळ तालुक्यातील प्रत्येक घडामोडीची अपडेट मिळवा दैनिक मावळच्या व्हॉट्सअॅप चॅनेलवर )
सोसायटीच्या मावळत्या चेअरमन बायडाबाई ढमाले आणि व्हाइस चेअरमन गंगाधर जगताप यांनी आपल्या पदाचा ठरविलेला कार्यकाळ पूर्ण झाल्याने राजीनामा दिला होता. त्यामुळे रिक्त पदासाठी मंगळवारी (दि.२३) गावातील श्री विठ्ठर रुक्मिणी मंदिरातील सभागृहात निवड प्रक्रिया पूर्ण करण्यात आली. यावेळी चेअरमन पदासाठी प्रकाश राघू धनवे यांचा एकमेव अर्ज आला. तसेच व्हाइस चेअरमन पदासाठी निवृत्ती चिंधू धनवे यांचा एकमेव अर्ज आला. त्यामुळे दोघांचीही अनुक्रमे चेअरमन आणि व्हाइस चेअरमनपदी बिनविरोध निवड जाहीर झाली. तसेच यावेळी सर्व संचालकांच्या ठरावानुसार संस्थेच्या तज्ञ संचालक पदी भगवान नारायण दरेकर यांची सर्वानुमते निवड करण्यात आली. निवडणूक निर्णय अधिकारी म्हणून मंदार कुलकर्णी यांनी यावेळी कामकाज पाहिले आणि सर्व निवडींची घोषणा केली. रामदास पाठारे यांनी सहाय्यक म्हणून काम पाहिले. ( Shilimb Society Election Chairman Vice Chairman elected unopposed Bhagwan Darekar as Director )
यावेळी मावळ तालुका कृषी उत्पन्न बाजार समितीचे सभापती संभाजी शिंदे यांची प्रमुख उपस्थिती होती. तर संचालक मंडळ, सुरेश जगताप, जालिंदर ढमाले, सचिन शिंदे, अनिता धनवे, शाम चोरघे, बायडाबाई ढमाले, निवृत्ती कडू, अविनाश शिंदे, मधुकर केदारी, भाऊ शिंदे, बबन आखाडे, गोरख धनवे यांच्या उपस्थितीत आणि सहमतीने या निवड प्रक्रिया पूर्ण झाल्या. चेअरमन, व्हाइस चेअरमन आणि तज्ञ संचालक यांच्या निवडीनंतर उपस्थितांनी त्यांचे टाळ्या वाजवून अभिनंदन केले. तसेच मान्यवरांच्या हस्ते नवनिर्वाचित पदाधिकारी, संचालक यांचा सत्कार करण्यात आला. ग्रामस्थांनी गुलालाची उधळण करत मिरवणूक काढत आनंदोत्सव साजरा केला.
यावेळी आबासाहेब गोणते, नामदेव गोणते, लाला गोणते, भगवान पडवळ, विठ्ठल ढगे, वाघुजी साठे, जगन्नाथ गोणते, बबन शिंदे, सचिन वाळूंज, बबव जाधव, पंडीत जाधव, भरत धनवे, राजू धनवे, कडू सर, विजय नकटी, बाजीराव ढमाले, अंकूश धनवे, बाळासाहेब दरेकर, एकनाथ दरेकर, गावातील ग्रामस्थ, युवक आणि विविध क्षेत्रातील आजी-माजी पदाधिकारी उपस्थित होते.
अधिक वाचा –
– तुंग किल्ल्यावर घसरून पडल्याने महिलेचा अपघात, सह्याद्री प्रतिष्ठानच्या दुर्गसेवकांकडून तत्काळ मदत । Maval News
– Breaking : मावळात तिहेरी हत्याकांड ! गर्भपातादरम्यान महिलेचा मृत्यू, मृत महिलेसह दोन जिवंत मुलांना नदीत ढकलले
– कामशेत येथील शिबिरात 71 जणांकडून रक्तदान, शंभराहून अधिक नागरिकांची रक्त तपासणी । Maval News
