कुणेनामा येथील एका बंगल्याच्या केअरटेकरच्या खोलीत चोरी झाल्याची घटना घडली आहे. अज्ञात चोरट्याने खोलीचा दरवाजा खोलून कपाटातील सुमारे 2 लाख 16 हजार 700 रुपये किमतीचे सोन्याचे दागिने चोरून नेले आहे. 20 जुलै रोजी रात्री 8.30 ते 10 वाजण्याच्या दरम्यान ही चोरीची घटना घडली आहे. बंगल्याच्या सीसीटिव्ही फुटेज मध्ये सदर चोरीची घटना रेकॉर्ड झाली आहे. ( मावळ तालुक्यातील प्रत्येक घडामोडीची अपडेट मिळवा दैनिक मावळच्या व्हॉट्सअ‍ॅप चॅनेलवर )
कुणे गावातील दिव्या सोसायटी श्रीजी व्हीला बंगला क्रमांक 10 मधील केअर टेकरच्या खोलीत हा प्रकार घडला. केअर टेकर असलेल्या भारती विजय मोरे यांनी याप्रकरणी लोणावळा शहर पोलीस ठाण्यात फिर्याद दिली आहे. फिर्यादीनुसार 20 जुलै रोजी बंगल्याचे मालक बंगल्यात राहण्यासाठी आले होते. जास्त लोकं असल्याने सोसायटीच्या क्लब हाऊस मध्ये त्यांची जेवणाची व्यवस्था करण्यात आली होती.
भारती मोरे, त्यांचे पती व मुलगा हे क्लब हाऊसमध्ये त्यांना जेवण दिल्यानंतर घरी गेले असता, घराचा दरवाजा उघडा दिसला. घरात जाऊन बघितले असता कपाट उघडलेले होते तसेच मुलाची वह्या पुस्तके जमीनीवर पडलेली दिसली. म्हणून चेक केले असता कपाटातील सोन्याचे दागिने चोरट्याने दरवाजाची कडी खोलून चोरून नेला असल्याचे दिसून आले आहे. सोन्याचे मंगळसूत्र, नेकलेस, वेल, कर्णफुले, नथ याचा समावेश आहे.
लोणावळा शहर पोलीस ठाण्यात याप्रकरणी गुन्हा दाखल करण्यात आला असून पोलीस निरीक्षक सुहास जगताप यांच्या मार्गदर्शनाखाली पोलीस हवालदार शकील शेख सीसीटिव्ही फुटेज व तक्रारीच्या अनुषंगाने गुन्हाचा तपास करत आहेत. याप्रकरणी पोलिसांनी एका संशयिताला ताब्यात घेतले आहे.
अधिक वाचा –
– Breaking News : मुसळधार पावसाचा इशारा असल्याने सर्व शाळांना शुक्रवारी देखील सुटी जाहीर । Pune News
– टाकवे पूल पाण्याखाली गेल्याने आंदर मावळातील 40 ते 50 गावांचे दळणवळण ठप्प ! Maval News
– राज्यात आर्मी, नेव्हीच्या तुकड्या देखील सज्ज, पूर परिस्थितीत प्रशासन मदतीसाठी फिल्डवर ; बचाव कार्य व्यवस्थित सुरू – मुख्यमंत्री
