Dainik Maval News : तळेगाव दाभाडे शहरातील प्रसिद्ध व्यक्तिमत्व अनिल मधुकर धर्माधिकारी यांचे सोमवारी (दि. 29 जुलै) सायंकाळी निधन झाल्याची दुःखद वार्ता समोर आली आहे. उत्कृष्ठ निवेदक म्हणून सर्वपरिचित असणारे अनिल धर्माधिकारी यांच्या निधनानंतर एक कणखर आवाज हरपल्याची भावना व्यक्त होत आहे. आज (दि. 30 जुलै) त्यांच्यावर अंत्यसंस्कार करण्यात आले. ( मावळ तालुक्यातील प्रत्येक घडामोडीची अपडेट मिळवा दैनिक मावळच्या व्हॉट्सअॅप चॅनेलवर )
सामाजिक कार्यकर्ते, कामगार नेते, उत्कृष्ट निवेदक, रोटरी क्लब ऑफ तळेगाव एमआयडीसीचे सदस्य, अखिल भारतीय मराठी नाट्य परिषद मावळ शाखेचे संचालक अशा अनेक स्तरावर काम करणारे अनिल मधुकर धर्माधिकारी यांनी वयाच्या 69 व्या वर्षी अखेरचा श्वास घेतला. सोमवारी (दि. 29) सायंकाळी साडेचारच्या सुमारास हृदयविकाराने त्यांचे निधन झाले. ( Famous narrator Anil Dharmadhikari passed away Talegaon Dabhade News )
अनिल धर्माधिकारी हे तसे मुळचे अहमदनगर जिल्ह्यातील संगमनेर तालुक्यातील रहिवासी होते. सन 1976 साली नोकरीनिमित्त ते तळेगाव दाभाडे येथे स्थायिक झाले होते. नॅशनल हेवी इंजिनिअरिंग कंपनीतील कामगार नेते, तसेच संपूर्ण मावळ तालुक्यात निवेदक, सूत्रसंचालक म्हणून सुपरिचित होते.
अधिक वाचा –
– दावे निकाली काढण्यात पुणे जिल्हा राज्यात प्रथम ; राष्ट्रीय लोक अदालतीत १ लाखाहून अधिक दावे निकाली । Pune News
– आमदार सुनिल शेळके यांनी घेतली ‘तालुकास्तरीय आढावा बैठक’, ग्रामस्थांनी वाचला तक्रारींचा पाढा
– पॅरिस ऑलिंपिक 2024 मध्ये भारतासाठी पहिले पदक जिंकणाऱ्या ‘मनु भाकर’वर अभिनंदनाचा वर्षाव । Manu Bhaker
