Dainik Maval News : मावळ तालुक्यातील तीन वनपरिक्षेत्र अधिकाऱ्यांच्या पदोन्नतीने बदल्या झाल्या आहेत. वडगाव मावळ येथील वनपरिक्षेत्र अधिकारी हनुमंत जाधव, शिरोता वनपरिक्षेत्र अधिकारी सुशील मंतावार आणि सामाजिक वनीकरण मावळ वनपरिक्षेत्र अधिकारी तनुजा शेलार यांची पदोन्नतीने बदली झाली आहे. तसेच या तिन्ही पदांचा अतिरिक्त कार्यभार आता वनपरिक्षेत्र अधिकारी पुणे एस डी वरक यांच्याकडे देण्यात आलेला आहे. ( मावळ तालुक्यातील प्रत्येक घडामोडीची अपडेट मिळवा दैनिक मावळच्या व्हॉट्सअ‍ॅप चॅनेलवर )
वडगाव मावळ वनपरिक्षेत्र अधिकारी हनुमंत जाधव यांची पदोन्नती ने उपसंचालक (शिक्षण 1) चंद्रपूर विकास प्रशासन व व्यवस्थापन प्रबोधिनी (वने चंद्रपूर) येथे बदली झाली. शिरोता वनपरिक्षेत्र सुशील मंतावार यांची पदोन्नती ने यांची सहाय्यक वन संरक्षक वाशीम येथे बदली झाली. मावळ सामाजिक वनीकरण वनपरिक्षेत्र अधिकारी तनुजा शेलार यांची पदोन्नती ने सहाय्यक वन संरक्षक (जैव विविधता) पुणे येथे बदली झाली.
वडगाव मावळ, शिरोता व मावळ सामाजिक वनीकरण आदींची पदे आता रिक्त आहेत. या तिन्ही पदाचा अतिरिक्त कार्यभार वनपरिक्षेत्र अधिकारी पुणे एस डी वरक यांच्याकडे देण्यात आलेला आहे. वरक यांच्याकडे एकूण 4 वनपरिक्षेत्राचा कार्यभार असल्याने कोणत्या वनपरिक्षेत्र कार्यालयाला वेळ देणार अशी परिस्थिती झाली आहे. तरी मावळ तालुक्यातील वडगाव मावळ, शिरोता व मावळ सामाजिक वनीकरण विभाग आदींना त्वरित वनपरिक्षेत्र अधिकारी नियुक्ती करण्याची मागणी नागरिकांकडून होत आहे.
एकाच वनपरिक्षेत्र अधिकाऱ्याकडे अनेक ठिकाणच्या कार्यभार असल्याने नागरिकांची कामे रखडली जात आहेत. पुणे – मुंबई महामार्गाच्या मध्यवर्ती असलेल्या मावळ तालुक्यात सुमारे 20 हजार हेक्टर वनक्षेत्र आहे. यातील अतिक्रमण, वृक्षतोड, वन्यजीव शिकारी तसेच वृक्षारोपण संरक्षण संवर्धन आदी प्रश्न प्रलंबित असल्याने रिक्त जागेवर तातडीने वनपरिक्षेत्र अधिकाऱ्यांची नियुक्ती करण्याची मागणी केली जात आहे.
अधिक वाचा –
– माध्यमिक शिक्षक व सेवकांची सहकारी पतसंस्थेच्या अध्यक्षपदी समीर गाडे, उपाध्यपदी गणेश साबळे बिनविरोध । Maval News
– मावळ भाजपाच्या गाव भेट दौऱ्यास आंदर मावळ विभागात उत्स्फूर्त प्रतिसाद ; कार्यकर्त्यांचा एकच सूर ‘आता माघार नाही…’
– सार्थक वायकर याच्या अपघाती मृत्यूनंतर नवलाख उंबरे ग्रामस्थांचा तळेगाव एमआयडीसी पोलीस स्टेशनवर मोर्चा । Maval News
