Dainik Maval News : वेहेरगाव येथील तलावात एका अनोळखी व्यक्तीचा बुडून मृत्यू झाला आहे. या व्यक्तीचा मृतदेह शोधण्यात शिवदुर्ग रेस्कू टीमच्या सदस्यांना यश आले आहे. वेहेरगाव येथील एकविरादेवी पायथा मंदिराजवळ असणाऱ्या तलावात एक व्यक्ती बुडाला असल्याची माहिती पोलीस पाटील अनिल पडवळ यांना मिळल्यानंतर त्यांनी लगेचच पोलिसांना आणि शिवदुर्ग मित्रला याची माहिती दिली. काही वेळातच रेस्कू पथकाने अनोळखी व्यक्तीचा (वय अंदाजे 25 ते 30 वर्षे) मृतदेह पाण्याबाहेर काढला.
मिळालेल्या माहितीनुसार, पोलीस पाटील अनिल पडवळ यांना गुरूवारी (दि.26) रात्री तलावाकाठी कुणाचे तरी कपडे, चप्पल असल्याची माहिती मिळाली. त्यांनी गावात याबाबत चौकशी केली असता गावातील कोणताही व्यक्ती नसल्याचे आढळून आले. त्यानंतर त्यांनी लोणावळा ग्रामीण पोलीस व शिवदुर्ग मित्र यांना माहिती दिली. मृतदेहाचा कुठलाही ओळखीचा पुरावा नसल्याने बेवारस म्हणून मृतदेह खंडाळा येथे पाठविण्यात आला आहे. प्रकरणाचा पुढील तपास पोउपनि अजय दरेकर करीत आहेत.
( मावळ तालुक्यातील प्रत्येक घडामोडीची अपडेट मिळवा दैनिक मावळच्या व्हॉट्सअ‍ॅप चॅनेलवर )
अधिक वाचा –
– ‘शिवदुर्ग मित्र’चे संस्थापक अध्यक्ष सुनिल गायकवाड यांना पितृशोक
– कान्हे येथील महाआरोग्य शिबिराचा शनिवारी शेवटचा दिवस, आतापर्यंत 40 हजाराहून अधिक मावळवासियांनी घेतला लाभ
– पावसाने मोडला रेकॉर्ड : लोणावळ्यात यंदा 5822 मिमी पाऊस, गेल्या 24 तासात तब्बल 155 मीमी पाऊस । Lonavala Rain
