Dainik Maval News : पुणे शहराजवळील बावधन बुद्रुक परिसरात डोंगराळ भागात आज (दि.2 ऑक्टोबर) सकाळी हेलिकॉप्टर कोसळल्याची गंभीर दुर्घटना घडली आहे. या अपघातात तीन जण दगावल्याची प्राथमिक माहिती मिळत आहे. सदर अपघाताची माहिती मिळताच हिंजवडी पोलिसांनी तातडीने घटनास्थळी धाव घेतली आणि मदतकार्य सुरू केले. ( Helicopter Crashed At Bawdhan )
बुधवारी, सकाळी पाऊणे सातच्या दरम्यान हा अपघात झाला. बावधन येथील ऑक्सफर्ड व एच.आ.एम.आर.आल मधील दरीत हे हेलिकॉप्टर कोसळले आहे. ऑक्सफर्ड गोल्फ क्लबच्या हेलिपॅडवरून उड्डाण केल्यानंतर हा अपघात घडला. त्यानंतर पुणे पालिका व पीएमआरडीएच्या अग्मीशमन दलाने तातडीने घटनास्थळी धाव घेतली.
दाट धुक्यांमुळे हेलिकॉप्टर कोसळले असल्याचा अंदाज वर्तवला जात आहे. दरम्यान मागील महिन्याभरात हेलिकॉप्टर कोसळण्याची ही दुसरी घटना आहे. मागील महिन्यात पौड (ता. मुळशी) येथे नदी पात्राजवळ हेलिकॉप्टर कोसळले होते. त्यात काही जण जखमी झाले होते.
( मावळ तालुक्यातील प्रत्येक घडामोडीची अपडेट मिळवा दैनिक मावळच्या व्हॉट्सअॅप चॅनेलवर )
अधिक वाचा –
– मावळ तालुक्यातील ‘या’ 16 गावांमध्ये दरडप्रवण क्षेत्रात उपाययोजनांसाठी 39 कोटींचा निधी, पाहा यादी
– पवना कृषक सेवा सहकारी संस्थेच्या सामाजिक सभागृहाचे भूमिपूजन । Pavananagar News
– पूर्वसूचना न देता केलेल्या ब्लास्टिंगमुळे एकाचा मृत्यू, मंगरुळ येथील घटना, गुन्हा दाखल । Talegaon News
