Dainik Maval News : मावळ तालुक्याच्या शिरपेचात आणखीन एक मानाचा तुरा रोवला गेला आहे. वडगाव मावळ येथील वैष्णवी सतीश म्हाळसकर हिची महाराष्ट्र राज्याच्या १९ वर्षांखालील क्रिकेट संघामध्ये निवड झाली आहे. वैष्णवीच्या या यशाबद्दल सर्वच स्तरातून तिच्यावर कौतुकाचा वर्षाव होत आहे.
वैष्णवी ही सध्या परभणी जिल्हा क्रिकेट संघाकडून खेळत आहे. नुकत्याच जाहीर झालेल्या बीसीसीआयच्या लीग मॅचेस मध्ये ती आता महाराष्ट्राच्या संघाकडून खेळताना आपल्याला दिसणार आहे. सध्या या मॅचेस नागपूर येथे सुरू आहेत.
वैष्णवीची महाराष्ट्र संघात निवड झाल्यामुळे मावळ तालुक्यातील क्रीडारसिक व नातेवाईकांच्या शुभेच्छा आणि अभिनंदनाचा वर्षाव होत असताना मावळ तालुक्यातील पहिली महिला क्रिकेटर होण्याचा मान वैष्णवीला मिळाला. सध्या ती परभणी या ठिकाणी सराव करीत असून तिच्या या यशामध्ये तिचे वडील सतीश म्हाळसकर यांचीही मोलाची साथ लाभली आहे.
वैष्णवीला वयाच्या १२ व्या वर्षापासून क्रिकेट या खेळाची आवड निर्माण झाली. टीव्ही वरील क्रिकेट मॅचेस पाहता पाहता तिने स्वतः क्रिकेट खेळायला सुरुवात केली. ध्येय, मेहनत आणि जिद्दीने या खेळात तिने नेत्रदीपक कामगिरी केली. तिच्या सरावात तिने सातत्य राखले आणि याच जोरावर तिची महिला क्रिकेट संघात निवड झाली.
( मावळ तालुक्यातील प्रत्येक घडामोडीची अपडेट मिळवा दैनिक मावळच्या व्हॉट्सअॅप चॅनेलवर )
अधिक वाचा –
– मावळ विधानसभा : नानासाहेब नवले यांना निवृत्तीचा सल्ला देत अजितदादांनी टाकलाय नवा राजकीय डाव ? । Ajit Pawar
– आई माऊलीचा उदो उदो… कार्ला गडावर गर्दीचा उच्चांक, एकविरा देवीच्या दर्शनासाठी भाविकांचा महापूर । Karla News
– अभिनंदन ! मावळचे सुपुत्र डॉ. पद्मवीर थोरात यांची वैद्यकीय अधिकारी ‘गट अ’ पदी निवड । Maval News