Dainik Maval News : पुणे जिल्हा महिला पोलीस पाटील संघाच्या अध्यक्षपदी मोनिका अंकुश कचरे यांची एकमताने निवड झाली. महाराष्ट्र राज्य गाव कामगार पोलीस पाटील संघाचे अध्यक्ष बाळासाहेब शिंदे पाटील, स्वामी शंकरानंद महाराज व पांडूरंग महाराज शितोळे यांच्या हस्ते मोनिका कचरे पाटील यांना सनद देण्यात आली व पदग्रहण सोहळा संपन्न झाला.
याप्रसंगी भंडारा डोगर दशमी समितीचे अध्यक्ष बाळासाहेब काशीद पाटील, माजी मंत्री बाळा भेगडे, संत तुकाराम सहकारी साखर कारखान्याचे उपाध्यक्ष बापूसाहेब भेगडे, कामशेत पोलीस ठाण्याचे वरिष्ठ पोलिस निरीक्षक रवींद्र पाटील आदी मान्यवर, सर्व पोलिस पाटील व नागरिक मोठ्या संख्येने उपस्थित होते.
कामशेत येथे झालेल्या कार्यक्रमात पुणे जिल्हा महिला पोलिस पाटील संघाच्या अध्यक्षपदी मोनिका अंकुश कचरे पाटील यांची एकमताने निवड झाली. यावेळी पदग्रहण सोहळ्यासोबत श्री श्री १००८ आवाहन आखाडा हरिद्वार प्रमुख महामंडलेश्वर आयुर्वेदाचार्य स्वामी शंकरानंदजी महाराज यांचा वाढदिवसानिमित्त अभिष्टचिंतन सोहळयाचे आयोजन करण्यात आले होते.
तसेच महिलांसाठी हळदी-कुंकू रिटर्न गिफ्ट, मिरवणूक आणि भव्य रक्तदान शिबिर व विशेष सामाजिक कार्य व क्रीडाक्षेत्रात काम करणाऱ्यांचा उपस्थित मान्यवरांच्या हस्ते विशेष सन्मान करण्यात आला. प्रास्ताविक लक्ष्मण शितोळे पाटील व अनुमोदन प्रल्हाद घारे पाटील यांनी केले. चेतन, अरुण केदारी यांनी सूत्रसंचालन केले, आभार राजश्री कचरे पाटील यांनी मानले.
( मावळ तालुक्यातील प्रत्येक घडामोडीची अपडेट मिळवा दैनिक मावळच्या व्हॉट्सअॅप चॅनेलवर )
अधिक वाचा –
– मावळ विधानसभा : नानासाहेब नवले यांना निवृत्तीचा सल्ला देत अजितदादांनी टाकलाय नवा राजकीय डाव ? । Ajit Pawar
– आई माऊलीचा उदो उदो… कार्ला गडावर गर्दीचा उच्चांक, एकविरा देवीच्या दर्शनासाठी भाविकांचा महापूर । Karla News
– अभिनंदन ! मावळचे सुपुत्र डॉ. पद्मवीर थोरात यांची वैद्यकीय अधिकारी ‘गट अ’ पदी निवड । Maval News
