Dainik Maval News : शासनाच्या विविध योजना तुमच्यापर्यंत आजपर्यंत पोहोचल्या नाहीत की मुद्दाम पोहोचवल्या नाहीत ? हा प्रश्नच आहे. विद्यमान आमदारांचे गेल्या पाच वर्षात जनतेच्या प्रश्नांकडे कमालीचे दुर्लक्ष झाल्याने आंदर मावळमधील समस्या वाढतच चालल्या आहेत. आंदर मावळमध्ये पर्यटन व्यवसाय वाढवून तरुणांना मोठी रोजगारनिर्मिती करण्यासाठी आपण बांधील असणार आहोत, असे आश्वासन बापूसाहेब भेगडे यांनी तरुणांना दिले.
बापूसाहेब भेगडे यांनी शनिवारी आंदर मावळातील पिंपरी, माळेगाव बुद्रुक, कुणेवाडी, कुणे, अनसुटे (मानकुली) पारिठेवाडी, इंगळून, किवळे, कशाळ, भोयरे, कोंडीवडे, कल्हाट, पवळेवाडी, निगडे, आंबळे, कदमवाडी, शेटेवाडी, शिरे, मंगरूळ, गोळेवाडी आदी गावांना भेट देत प्रचारदौरा केला. यावेळी राष्ट्रवादी काँग्रेसचे तालुकाध्यक्ष दत्तात्रय पडवळ, मनसेचे तालुकाध्यक्ष रुपेश म्हाळसकर, उपसभापती शांताराम कदम, शिवाजी आसवले, गणेश कल्हाटकर, शिवाजीराव पवार आदींसह ग्रामस्थ, आजी-माजी सरपंच, विविध कार्यकारी सोसायटीचे आजी-माजी सदस्य, नागरिक मोठ्या संख्येने उपस्थित होते.
प्रचार भेटीदरम्यान नागरिकांनी आपल्या समस्या मांडल्या. आपण समस्या सोडविण्यास बांधील असल्याचे आश्वासन देत बापूसाहेब भेगडे म्हणाले, की विद्यमान आमदार आदिवासी विद्यार्थ्यांसाठी वसतिगृह बांधून देणार होते. मात्र, त्याचे पुढे काय झाले ? पाच वर्षात शेतीला पाणी पुरवता आला नाही. जवळ धरण असतानाही शेतीला पाणी मिळत नसल्याने शेतकरी वर्ग नाराज आहे. आपण प्रथम शेतकऱ्यांना पाण्याची व्यवस्था करू, असे सांगितले.
आपण माजी आमदार कृष्णराव भेगडे, मदन बाफना, नानासाहेब नवले यांच्या नेतृत्वाखाली काम केले आहे. त्यामुळे माझ्यावर चांगले संस्कार झाले आहेत. त्यामुळेच आपण मावळची संस्कृती जपण्याचा पुरेपूर प्रयत्न करत असून, मावळला समृद्ध बनवणे हे आपले ध्येय आहे, असेही भेगडे म्हणाले.
( मावळ तालुक्यातील प्रत्येक घडामोडीची अपडेट मिळवा दैनिक मावळच्या व्हॉट्सअॅप चॅनेलवर )
अधिक वाचा –
– मावळची संस्कृती बिघडत चालल्याने सर्व पक्ष एक झाले – बापूसाहेब भेगडे । Bapu Bhegade
– पोलिसांनी जप्त केलेली रक्कम माझ्या व्यवसायाची, विरोधकांनी दबाव आणून कारवाई करण्यास भाग पाडले – सचिन मुऱ्हे
– मावळात राष्ट्रवादीच्या नेत्याच्या कार्यालयातून 36 लाखांची रोकड जप्त, सोमाटणे येथे मोठी कारवाई । Maval Crime
