Dainik Maval News : महाराष्ट्र सुवर्ण जयंती नगरोत्थान महाअभियान अंतर्गत 2 कोटी 25 लक्ष निधीतून वडगाव नगरपंचायत हद्दीत सौर ऊर्जेवर चालणारे स्ट्रीट लाईट्चे एकूण 30 पथदिवे बसविण्याच्या कामास सुरुवात करण्यात आली आहे, अशी माहिती मुख्याधिकारी डॉ. प्रविण निकम यांनी दिली.
वडगाव नगरपंचायत हद्दीतील केशवनगर येथील खापरे ओढा ते रेल्वे गेट, कातवी येथील मुख्य रस्ता तसेच खंडोबा मंदिर ते विशाल लाॅन्स या तीनही रस्त्यावर सौर पथदिवे बसविणे व नगरपंचायत प्रशासकीय इमारत सोलर ऑफ ग्रीड सिस्टीम बसविण्यासाठी दिनांक 17 मार्च व 22 मे 2023 रोजी या कामांचे अंदाजपत्रक तयार करून सर्व विषयांना सभेत मान्यता देण्यात आली होती. मागील महिन्यात तांत्रिक व प्रशासकीय मान्यता प्रक्रिया पूर्ण होऊन प्रत्यक्ष निधी मंजूर झाला. त्यानंतर आता प्रथमतः शहरामधील खापरे ओढा परिसरातून सौर पथदिवे बसविण्याचे काम हाती घेण्यात आले आहे.
राज्यातील विजेची मागणी व पुरवठा यामधील तफावत पाहता अपारंपारिक उर्जेचा वापर करणे योग्य होणार आहे. राज्यातील ग्रामीण भागात सध्याचा विजेचा पुरवठा लक्षात घेता, ग्रामीण भागात पर्यावरण संतुलन प्रणित मुलभूत सुविधा उपलब्ध करून देण्याच्या दृष्टीने अपारंपारिक स्त्रोतातून निर्मित विजेचा पुरवठा व्हावा या उद्देशाने ग्रामीण भागातील रस्त्यांवर सौर पथ दिवे खांब उभारण्याची योजना सन 2010-2011 पासून महाराष्ट्र उर्जा विकास अभिकरण विभागाने कार्यान्वित केली आहे. ही योजना राज्य शासन, केंद्र शासन, नगरपंचायत व इतर ग्रामपंचायतीच्या सहभागातून राबविण्यात येत आहे.
पर्यावरण संरक्षण, सुरक्षितता, कमी किंमत आणि विद्युत शॉकचा धोका नसल्यामुळे सौर पथदिवे अधिक सुरक्षितता सुनिश्चित करतात. भूमिगत स्फोट होण्याचा धोका नाही, कारण भूमिगत पाईप्स खोदण्याची आणि तारा टाकण्याची गरज नाही. सौरऊर्जा शोषून नंतर सौर ऊर्जेचे विजेमध्ये रूपांतर करून आणि नंतर प्रकाशाचा पुरवठा करून सौर ऊर्जा पथदिवे बनवले जातात. सौरऊर्जा कायमस्वरूपी वापरता येते, त्यामुळे विजेच्या वापराबाबत काळजी करण्याची गरज नाही व पर्यावरणाचे प्रदूषणही होणार नाही, असे मुख्याधिकारी निकम यांनी सांगितले.
( मावळ तालुक्यातील प्रत्येक घडामोडीची अपडेट मिळवा दैनिक मावळच्या व्हॉट्सअॅप चॅनेलवर )
अधिक वाचा –
– श्री खंडोबा देवाच्या सोमवती यात्रेच्या अनुषंगाने सोमवारी 30 डिसेंबर रोजी वाहतूक मार्गात मोठा बदल – जाणून घ्या
– थर्टी फर्स्ट, नववर्षाच्या स्वागतासाठी पवना धरण परिसरात येण्याचा प्लॅन करताय ? आधी ही बातमी वाचा । Pavana Nagar News
– विजयस्तंभ अभिवादन कार्यक्रमानिमित्त पुणे जिल्ह्यातील वाहतुकीत मोठा बदल ; पाहा कोणते मार्ग बंद, कोणते सुरु
