Dainik Maval News : मुंबई आणि पुणे शहरांच्या मध्यवर्ती असलेल्या आणि सह्याद्री पर्वतरांगेच्या कुशीत असल्याने निर्सगाचे भरभरून वरदान लाभलेल्या मावळ तालुक्यातील बहुतांश पर्यटनस्थळी नववर्षाच्या स्वागताला पर्यटकांची गर्दी होत आहे. यंदाही थर्टी फर्स्ट आणि एक जानेवारीच्या निमित्ताने तालुक्यातील जवळपास सर्वच पर्यटन स्थळांवरील फार्म हाऊस, रिसॉर्ट, हॉटेल्सचे बुकींग जवळपास फुल्ल झाले असून पर्यटकांची गर्दी होऊ लागली आहे.
यंदा थर्टी फर्स्टला जोडून वीकेंड असल्याने शनिवार, रविवारपासून परिसरात पर्यटकांनी गर्दी केली आहे. निसर्गाची सोबत, गुलाबी थंडी यामुळे बहुतांशी पर्यटक अलीकडे फार्म हाऊसवर सेलिब्रेशन करण्यावर भर देत आहेत. दरम्यान मौज मस्तीच्या नावाखाली हुल्लबाजी करणारे, दंगा करणारे पर्यटकांवर अंकूश ठेवण्यासाठी मोठ्या प्रमाणात पोलीस फौजफाटा तैनात करण्यात आला आहे.
पोलीस ठिकठिकाणी नाकाबंदी करून वाहनांची, चालकांची कसून तपासणी करीत आहेत. मद्य प्राशन केलेल्या वाहन चालकांवर त्वरित कारवाई केली जात आहे. पुणे ग्रामीण पोलीस दल आणि पिंपरी चिंचवड पोलीस दल यांनी याकरीता सुक्ष्म नियोजन केले असून जागोजागी बंदोबस्त तैनाक केला आहे. तसेच वाहतूक मार्ग व्यवस्था बदलवून वाहतूक कोंडी होणार नाही, याची दक्षता घेतली आहे.
( मावळ तालुक्यातील प्रत्येक घडामोडीची अपडेट मिळवा दैनिक मावळच्या व्हॉट्सअ‍ॅप चॅनेलवर )
अधिक वाचा –
– श्री खंडोबा देवाच्या सोमवती यात्रेच्या अनुषंगाने सोमवारी 30 डिसेंबर रोजी वाहतूक मार्गात मोठा बदल – जाणून घ्या
– थर्टी फर्स्ट, नववर्षाच्या स्वागतासाठी पवना धरण परिसरात येण्याचा प्लॅन करताय ? आधी ही बातमी वाचा । Pavana Nagar News
– विजयस्तंभ अभिवादन कार्यक्रमानिमित्त पुणे जिल्ह्यातील वाहतुकीत मोठा बदल ; पाहा कोणते मार्ग बंद, कोणते सुरु
