Dainik Maval News : शरद मोहोळ याच्या खुनाचा बदला घेण्याचा डाव पोलिसांनी शुक्रवारी उधळून लावला. मोहोळ टोळीतील दोघांकडून पोलिसांनी पिस्तूले आणि सात काडतुसे जप्त केली. आरोपींनी पिस्तुले मध्यप्रदेशमधून आणल्याचे तपासात निष्पन्न झाले आहे. शरद शिवाजी मालपोटे (वय २९), संदेश लहू कडू (वय २४, दोघे रा. कोथरूड) अशी अटक करण्यात आलेल्यांची नावे आहेत. त्यांच्याकडून देशी बनावटीची दोन पिस्तुले जप्त करण्यात आली.
शरद मोहाेळ याचा गेल्या वर्षी ५ जानेवारी रोजी कोथरुडमधील सुतारदरा परिसरात पिस्तुलातून गोळ्या झाडून खून करण्यात आला होता. मोहोळ याचा खून वर्चस्व, तसेच वैमनस्यातून झाल्याचे तपासात उघडकीस आले होते. या प्रकरणात गुन्हे शाखेने गुंड विठ्ठल शेलार, गणेश मारणे, मुन्ना पोळेकर यांच्यासह दहा जणांना अटक केली होती. आरोपींविरुद्ध महाराष्ट्र संघटित गुन्हेगारी नियंत्रण कायद्यान्वये (मोक्का) कारवाई करण्यात आली होती. आरोपी सध्या येरवडा कारागृहात आहेत.
मोहोळचे साथीदार खूनाचा बदला घेण्याच्या तयारीत असल्याची माहिती गुन्हे शाखेला मिळाली होती. त्यानंतर गुन्हे शाखेच्या युनिट दोनने सापळा लावून मालपोटे आणि कडू यांना खराडी भागात पकडले. त्यांच्याकडून दोन पिस्तूले आणि काडतुसे जप्त करण्यात आली.
गुन्हे शाखेचे अतिरिक्त पोलीस आयुक्त शैलेश बलकवडे, उपायुक्त निखील पिंगळे, सहायक आयुक्त गणेश इंगळे यांच्या मार्गदर्शनाखाली पोलीस निरीक्षक प्रताप मानकर, सहायक निरीक्षक अमोल रसाळ, आशिष कवठेकर, नितीन कांबळे, अमोल सरडे, ओंकार कुंभार, उज्वल मोकाशी, शंकर कुंभार, विजय पवार यांनी ही कारवाई केली. आरोपींनी पिस्तूले मध्य प्रदेशातून आणली असून, त्यांना पिस्तूल खरेदीसाठी पैसे कोणी दिले, यादृष्टीने तपास करण्यात येत आहे.
( मावळ तालुक्यातील प्रत्येक घडामोडीची अपडेट मिळवा दैनिक मावळच्या व्हॉट्सअ‍ॅप चॅनेलवर )
अधिक वाचा –
– मावळवासियांना दिलासा द्यावा… वडगाव मावळ येथे कायमस्वरूपी उपविभागीय कार्यालय सुरू करण्याची मागणी
– आकारी पड जमिनी मूळ खातेदारांना परत केल्या जाणार, महाराष्ट्र सरकारचा मोठा निर्णय, वाचा सविस्तर
– पुणे जिल्हाधिकारी डॉ. सुहास दिवसे यांची बदली, जितेंद्र डूडी नवे जिल्हाधिकारी म्हणून रुजू ; कोण आहेत जितेंद्र डूडी? जाणून घ्या
