Dainik Maval News : मावळ तालुक्याचे ज्येष्ठ नेते, मावळचे माजी आमदार, मावळभूषण तथा मावळ तालुक्यात शिक्षणाची गंगा वाहण्यासाठी जीवन वेचलेले शिक्षणमहर्षी कृष्णराव भेगडे यांचे आज (दि. 30 जून) रोजी दुःखद निधन झाले आहे. त्यांच्या निधनाबद्दल सर्वच स्तरातून शोक व्यक्त केला जात आहे. ( Maval Vidhan Sabha Former MLA Krishnarao Bhegde Passes Away )
माजी आमदार कृष्णराव भेगडे यांनी वयाच्या ८९ व्या वर्षी अखेरचा श्वास घेतला. अल्प आजाराने त्यांचे दुःखद निधन झाल्याची माहिती त्यांच्या कुटुंबीयांनी दिली. सोमवारी (दि. ३० जून ) रात्री ९ वाजताच्या सुमारास त्यांची प्राणज्योत मालवली. कृष्णराव भेगडे यांच्या निधनाची माहिती समोर येताच मावळ तालुक्यात शोककळा पसरली आहे.
समोर आलेल्या माहितीनुसार, मंगळवारी (दि. 1 जुलै) रोजी सकाळी अकरा वाजता राहत्या घरातून त्यांची अंत्ययात्रा निघेल. तर, बनेश्वर स्मशानभूमी, तळेगाव दाभाडे येथे त्यांच्या अंत्यसंस्कार करण्यात येतील. दरम्यान मावळचे आमदार सुनील शेळके, माजी आमदार बाळा भेगडे अन्य नेतेगण व सर्वच स्तरातून कृष्णराव भेगडे यांच्या निधनावर शोक व्यक्त करीत त्यांना श्रद्धांजली अर्पण करण्यात आली आहे.
View this post on Instagram
( मावळ तालुक्यातील प्रत्येक घडामोडीची अपडेट मिळवा दैनिक मावळच्या व्हॉट्सअॅप चॅनेलवर )
अधिक वाचा –
– मोठी बातमी! श्री एकविरा देवस्थानकडून ड्रेस कोड जाहीर; महिला-पुरुषांनी मंदिरात येताना ‘असे’ कपडे परिधान करणे बंधनकारक
– महत्वाची बातमी : पुणे ग्रामीण जिल्ह्यात १० जुलैपर्यंत प्रतिबंधात्मक आदेश लागू – वाचा संपूर्ण नियमावली । Pune News
– वडगाव शहराचा सुधारित विकास आराखडा बिल्डर धार्जीणा? ग्रामस्थांचा कडाडून विरोध, भाजपाचे मुख्याधिकाऱ्यांना निवेदन । Vadgaon Maval
