Dainik Maval News : अवैधरित्या हातभट्टीची गावठी दारू निर्मिती करणाऱ्या अड्ड्यावर पोलिसांनी कारवाई केली. यात महिला आरोपीवर गुन्हा दाखल करण्यात आला असून दारूचे कच्चे रसायन व अन्य बाबी असा एकूण १ लाख २ हजार रुपये किमतीचा मुद्देमाल ताब्यात घेण्यात आला.
बुधवारी ( दि. २२ ऑक्टो २०२५ ) रोजी कंजारभट वस्ती ( ता. मावळ ) येथील ओढ्याच्या जवळ ही कारवाई करण्यात आली. याप्रकरणी तळेगाव एमआयडीसी पोलीस स्टेशन च्या मपोशी राणी नवनाथ राउत यांनी फिर्याद दिली आहे.
हेही वाचा – तळेगाव एमआयडीसी पोलीस ठाण्याचे पोलीस निरिक्षक रणजित जाधव यांची बदली, संतोष पाटील यांनी स्वीकारला पदभार
त्यानुसार आंबी, कंजारभट वस्ती येथील वीस वर्षीय महिलेवर गुन्हा दाखल करण्यात आला आहे. महिला आरोपीवर तळेगाव एमआयडीसी पोलीस ठाण्यात २३६ / २०२५ महाराष्ट्र दारूबंदी कायदा कलम ६५ (क) (फ) प्रमाणे गुन्हा दाखल करण्यात आला आहे.
पोलिसांनी दिलेल्या माहितीनुसार, सदर महिला आरोपीने बेकायदेशीररित्या गावठी हातभट्टीची दारू तयार करणेकरीता लागणारे कच्चे रसायन व इतर मुद्देमाल असा एकुण १ लाख २ हजार रुपये किमतीचा माल जवळ बाळगताना मिळून आली आहे. पोहवा मरागजे हे प्रकरणाचा अधिक तपास करीत आहेत.
( मावळ तालुक्यातील प्रत्येक घडामोडीची अपडेट मिळवा दैनिक मावळच्या व्हॉट्सअॅप चॅनेलवर )
अधिक वाचा –
– वडगावचे नवीन पोलीस निरिक्षक अभिजित देशमुख यांची धडाकेबाज कामगिरी ; डोणे गावातील अवैध दारूभट्टी केली उध्वस्त
– मुरलीधर मोहोळ यांना राष्ट्रवादी काँग्रेस पक्षात येण्याची ऑफर… काय आहे किस्सा ? वाचा सविस्तर । Murlidhar Mohol
– भरधाव वॅगनर कारच्या धडकेत गंभीर जखमी होऊन 78 वर्षीय व्यक्तीचा मृत्यू ; शिरगाव पोलिसांत चालकावर गुन्हा दाखल
