Dainik Maval News : रायगड जिल्ह्यातील खालापूर तालुक्यातील खोपोली शहरातून एक अत्यंत धक्कादायक आणि काळजाचा थरकाप उडविणारी बातमी समोर येत आहे. खोपोली शहरात एका नवनिर्वाचित नगरसेविकेच्या पतीची भर रस्त्यात निर्घृण हत्या करण्यात आली आहे. या घटनेमुळे संपूर्ण रायगड सहीत राज्यभरात खळबळ उडाली असून राजकीय वर्तुळातून तीव्र प्रतिक्रिया व्यक्त केल्या जात आहेत.
रायगड जिल्ह्यातील खोपोली मधील नुकत्याच झालेल्या नगरपरिषद निवडणुकीत शिवसेना एकनाथ शिंदे यांच्या पक्षाच्या नवनिर्वाचित नगरसेविका मानसी काळोखे यांचे पती मंगेश काळोखे यांची आज ( दि. 26 ) सकाळी सात वाजताच्या सुमारास निर्घृण हत्या करण्यात आली. ही घटना घडली तेव्हा मंगेश काळोखे आपल्या मुलीला शाळेतून सोडून घरी परतत होते.
मिळालेल्या माहितीनुसार, मंगेश काळोखे हे घरी परतत असताना एका वाहनातून चार ते पाच मारेकरी उतरले. त्यांनी मंगेश काळोखे यांची गाडी अडवून त्यांच्यावर धारदार शास्त्रांनी हल्ला केला. हा हल्ला इतका भीषण होता की काळोखे यांचा जागीच मृत्यू झाला. या हल्ल्यामागे राजकीय वैमनस्य असल्याची माहिती समोर येत असून राजकीय संघर्षातून आणि वैमनस्यातूनच ही हत्या झाली असावी, असा संशय व्यक्त केला जात आहेय.
गंभीर बाब म्हणजे निवडणुकीचा निकाल लागल्यानंतर अवघ्या चार दिवसातच नगरसेविकेच्या पतीवर अशाप्रकारे हल्ला करून त्याला संपवल्याने नागरिकांमध्येही भीतीचे वातावरण पसरले आहे. वर्दळीच्या रस्त्यावर झालेल्या हत्येमुळे खोपोली शहरात भीतीचे वातावरण पसरले असून सध्या सर्व आरोपी फरार असून पोलीस त्यांचा शोध घेत आहे. या घटनेनंतर खोपोली शहरात तणावपूर्ण शांतता असून पोलीस बंदोबस्त वाढवण्यात आला आहे.
( दैनिक मावळचा व्हॉट्सअॅप चॅनेल जॉइन करण्यासाठी इथे क्लिक करा )
अधिक वाचा –
– कोण होणार वडगाव नगरपंचायतीचा उपनगराध्यक्ष ? ‘या’ 5 नावांची सर्वाधिक चर्चा, पाहा कोण आहे यादीत सर्वात टॉपवर
– राष्ट्रवादी काँग्रेस पार्टीला दिलेल्या जनादेशाबद्दल अजित पवारांनी मानले मावळच्या जनतेचे आभार
– वडगाव, लोणावळ्यात राष्ट्रवादी काँग्रेस, तर तळेगाव दाभाडे शहरात भाजपाचा नगराध्यक्ष ; तिन्ही ठिकाणी राष्ट्रवादीचे सर्वाधिक नगरसेवक
– पतीचा पराभव, पण पत्नीचा विजय ; कुठे १ मताने तर कुठे २ मताने उमेदवार विजयी ! मावळातील वडगाव नगरपंचायतीचा निकाल ठरला लक्षवेधी
