Dainik Maval News : राज्यात जिल्हा परिषद, पंचायत समिती निवडणुकांची घोषणा झाली असून यामध्ये पुणे जिल्हा परिषद, पंचायत समिती मावळ चा देखील समावेश आहे. दरम्यान जिल्हा परिषद आणि पंचायत समिती करिता आरक्षण सोडत जाहीर झाल्यापासूनच मावळ तालुक्यातील जवळपास पाचही गट आणि दहाही गणांत इच्छुक उमेदवार तयारीला लागले होते. यामध्ये खडकाळा – कार्ला जिल्हा परिषद गटातील भारतीय जनता पार्टी पक्षाच्या इच्छुक उमेदवार म्हणून आशाताई बाबुरावआप्पा वायकर यांच्या नावाची सर्वाधिक चर्चा राहिली आहे. दरम्यान लवकरच भाजपाकडून आशाताई वायकर यांना अधिकृत उमेदवारी मिळू शकते, अशी माहिती समोर येत आहे.
पुणे जिल्हा परिषदेचे माजी सदस्य, सभापती आणि भारतीय जनता पार्टी पक्षाचे वरिष्ठ नेते बाबुरावआप्पा वायकर यांच्या पत्नी असलेल्या आशाताई वायकर या नेहमीच समाजकार्यात अग्रेसर राहिल्या आहेत. तसेच इच्छुुक उमेदवार म्हणून खडकाळा – कार्ला गटात निवडणुकीच्या तयारीला लागल्यापासून आशाताई वायकर यांचा झंझावात पाहायला मिळत आहे. गेल्या तीन चार महिन्यांत जिल्हा परिषद गटातील प्रत्येक गाव आणि घरापर्यंत पोहोचून त्यांनी प्रचार केला आहे. त्यामुळे अशा सक्षम आणि तयार उमेदवाराला भाजपा कडून या महत्वाच्या जिल्हा परिषद गटाती युतीकडून अधिकृत उमेदवारी दिली जाईल, अशी दाट शक्यता वर्तविली जात आहे.
राज्यात जिल्हा परिषद, पंचायत समिती निवडणुकांची घोषणा झाल्यानंतर मावळ तालुक्यात राजकीय घडामोडींनी चांगलाच वेग घेतला आहे. मावळ तालुक्यात पुणे जिल्हा परिष देचे एकूण पाच गट आहेत, तर पंचायत समिती मावळचे एकूण दहा गण आहेत. सर्व गट आणि गणांत आरक्षण सोडत झाल्यापासून इच्छुक उमेदवार तयारीला लागले होते. परंतु आता प्रत्यक्षात निवडणूक जाहीर झाल्यामुळे उमेदवारांची धावपळ वाढली आहे.
( दैनिक मावळचा व्हॉट्सअॅप चॅनेल जॉइन करण्यासाठी इथे क्लिक करा )
अधिक वाचा –
– मावळ पंचायत समिती निवडणूक २०२६ : दहापैकी ‘या’ दोन गणातील उमेदवार असणार थेट सभापती पदाचा दावेदार – पाहा कुठल्या गणात कोणते आरक्षण
– मावळातील ‘या’ झेडपी गटाचा उमेदवार असेल जिल्हा परिषदेच्या अध्यक्षपदाचा दावेदार – पाहा मावळात कुठल्या गटात कोणते आरक्षण
– मावळ तालुक्यात जिल्हा परिषदेचे पाच गट, तर पंचायत समितीचे दहा गण – पाहा गट अन् गणनिहाय मतदारसंख्या ; काले गणात सर्वाधिक मतदार
– अखेर बिगुल वाजले ! राज्यात जिल्हा परिषद आणि पंचायत समित्यांच्या निवडणुकांची घोषणा, ‘या’ 12 जिल्हा परिषदा व 125 पंचायत समित्यांची होणार निवडणूक
