Dainik Maval News : मावळ तालुक्यातील जिल्हा परिषदेचे पाच गट आणि पंचायत समिती मावळ चे दहा गण अशा एकूण पंधरा जागांच्या निवडणुकीसाठी उमेदवारी अर्ज भरण्यास शुक्रवारपासून (दि. 16) सुरूवात झाली. दरम्यान उमेदवारी अर्ज भरण्याच्या तिसऱ्या दिवशी देखील शून्य उमेदवारी अर्ज दाखल झाला असून आजपर्यंत पंचायत समिती असो किंवा जिल्हा परिषद, मावळात अद्याप एकाही उमेदवाराने अर्ज दाखल केला नाही. याची संपूर्ण जिल्ह्यात चर्चा होत आहे.
157 उमेदवारी अर्जांची विक्री
दरम्यान उमेदवारी अर्ज एकही दाखल झालेला नसला तरीही उमेदवारी अर्ज भरण्यास सुरूवात झालेच्या पहिल्या दिवशी एकूण ७४, दुसऱ्या दिवशी एकूण ४१ आणि तिसऱ्या दिवशी एकूण 45 उमेदवारी अर्जांची विक्री झाली. रविवारी (दि.18) सुटी असल्याने उमेदवारी अर्ज भरणे किंवा स्विकारले नाहीत. आजमितीस एकूण 157 उमेदवारी उमेदवारी अर्ज नेण्यात आल्याची माहिती अधिकाऱ्यांनी दिली.
शेवटचे दोन दिवस बाकी
दरम्यान उमेदवारी अर्ज भरण्याची अंतिम मुदत ही दिनांक 21 जानेवारी असून आता उमेदवारी अर्ज भरण्यास केवळ दोन दिवस बाकी आहे. समोर आलेल्या माहितीनुसार, मंगळवारी (दि. 20 ) एकाच दिवशी भाजपा आणि राष्ट्रवादी काँग्रेस अशा दोन्ही पक्षांच्या उमेदवारांकडून उमेदवारी अर्ज दाखल करण्यात येणार असल्याने उद्या मोठी गर्दी पाहायला मिळू शकते.
( दैनिक मावळचा व्हॉट्सअॅप चॅनेल जॉइन करण्यासाठी इथे क्लिक करा )
अधिक वाचा –
– भाजपाचा विजयी सूर मावळमध्ये चमत्कार घडविणार? मावळ भाजपाला जिल्हा परिषद, पंचायत समिती निवडणुकीत नवसंजिवनीची अपेक्षा
– महत्वाची बातमी ! सायकल स्पर्धेकरिता मावळमधील प्रमुख रस्त्यांवरील वाहतुकीत बदल करण्याचे जिल्हाधिकाऱ्यांचे आदेश
– मावळचा लेक बनला मुंबईचा नगरसेवक ! मावळातील पारिठेवाडी येथील मंगेश पांगारे मुंबई मनपा निवडणुकीत नगरसेवकपदी विजयी
– वडगावची लढाई आणि ऐतिहासिक तह.. मराठ्यांच्या इतिहासातील सोनेरी पान : पानिपतावरील पराभवाचा वचपा मराठ्यांनी मावळभूमीवर काढला
