Dainik Maval News : मावळ तालुक्यात सध्या पुणे जिल्हा परिषद आणि पंचायत समिती मावळच्या निवडणुकीची धामधूम सुरू आहे. उमेदवारी अर्ज माघारीनंतर सर्वच गट आणि गणांतील चित्र स्पष्ट झाले असून मावळमधील पाचही जिल्हा परिषद गट आणि दहाही पंचायत समिती गणातील उमेदवार प्रचारात गुंतलेले आहेत.
मावळ पंचायत समितीच्या दहा गणांपैकी महत्वाच्या अन् चर्चेत असलेल्या चांदखेड पंचायत समिती गणात भारतीय जनता पार्टी पक्षाच्या सुवर्णा बाळासाहेब घोटकुले या अधिकृत उमेदवार असून आज (बुधवार, दि. २८) चांदखेड येथे सुवर्णा बाळासाहेब घोटकुले यांच्या प्रचाराचा शुभारंभ होणार आहे.
दरम्यान निवडणूक जाहीर होण्यापूर्वीच पक्ष नेतृत्वाने विश्वास दाखवून सुवर्णा बाळासाहेब घोटकुले यांना चांदखेड पंचायत समितीची उमेदवारी जाहीर केली होती. त्यामुळे संपूर्ण चांदखेड गण सौ. घोटकुले यांनी यापूर्वीच पिंजून काढला होता. परंतु आता प्रत्यक्षात निवडणुकीत अधिकृत उमेदवार म्हणून आज त्यांच्या प्रचाराचा नारळ फोडला जाणार आहे.
ग्रामदैवताचे दर्शन घेऊन चांदखेड गणातील त्यांच्या गावभेट दौऱ्याला सुरूवात होणार आहे. पहिल्या दिवशी चांदखेड, धामणे, बेबडओहळ आणि गोडुंब्रे या गावचा दौरा केला जाणार आहे.
( दैनिक मावळचा व्हॉट्सअॅप चॅनेल जॉइन करण्यासाठी इथे क्लिक करा )
अधिक वाचा –
– चांदखेड पंचायत समिती गणाच्या उमेदवार सुनिता मनोज येवले यांच्या प्रचारार्थ आमदार सुनील शेळके यांची रॅली
– साहेबराव कारके हे मावळ पंचायत समितीचे उपसभापती होणार – आमदार सुनील शेळके
– कुसगांव बुद्रुक गटात राष्ट्रवादी काँग्रेसकडून प्रचाराचा शुभारंभ, आमदार सुनील शेळके यांच्या उपस्थितीत भव्य रॅली
– कार्ला-खडकाळा गटाच्या विकासासाठी आशाताई वायकर यांचे गणरायाला साकडे !
