Dainik Maval News : मावळ तालुक्यात जिल्हा परिषद आणि पंचायत समिती निवडणुकीची मतमोजणी आज (दि. ९) संपन्न झाली. या मतमोजणीनंतर मावळ तालुक्यातील जिल्हा परिषदेच्या पाचही गटात आणि पंचायत समितीच्या दहाही जागांवर राष्ट्रवादी काँग्रेस पार्टी पक्षाचे उमेदवार विजयी झाले आहेत. या निकालानंतर काही महत्वपूर्ण आकडेवारीकडे लक्ष टाकणे आवश्यक आहे.
मावळ तालुक्यात पाच जि.प. गट आणि दहा पं.स. गणांसाठी झालेले मतदान
– एकूण २ लाख ३१६ मतदारांपैकी पैकी १ लाख ५४ हजार ७४० मतदारांनी मतदानाचा हक्क बजावला. (तर इलेक्शन ड्युटीवर असणाऱ्या अनेक मतदारांनी यापूर्वीच टपाली मतदान केले होते. निवडणूक निकालात या मतांची मोजणी करण्यात आली आहे)
– प्रत्येक मतदाराने जिल्हा परिषदेसाठी एक आणि पंचायत समितीसाठी एक अशी दोन मते दिली होती.
– एकूण ईव्हिएम वरील मतदान आणि टपाली मतदान अशा एकूण १ लाख ५४ हजार ९६७ मतदारांनी मतदान केले. प्रत्येक मतदाराने दोन मते दिली, अशी एकूण १५ जागांसाठी आणि 55 उमेदवार करिता (यामध्ये प्रत्येक जागेवर नोटा हा देखील एक पर्याय गृहित धरला आहे. प्रत्यक्षात ४० उमेदवार रिंगणात होते.) 3 लाख 9 हजार 934 मतदान झाले.
अंतिम निकाल :
– जिल्हा परिषदेच्या पाचही जागांवर राष्ट्रवादी काँग्रेसचे (युतीचे) उमेदवार विजयी
– पंचायत समितीच्या दहाही जागांवर राष्ट्रवादी काँग्रेसचे (युतीचे) उमेदवार विजयी
निकालाची आकडेवारी
– एकूण मतदानापैकी राष्ट्रवादी काँग्रेस (युती) च्या सर्व उमेदवारांना मिळून 1 लाख 87 हजार 436 इतके मतदान झाले.
– एकूण मतदानापैकी भारतीय जनता पार्टी (युती) च्या उमेदवारांना 1 लाख 13 हजार 487 इतके मतदान झाले.
– एकूण मतदानापैकी इतर (मविआ आणि अपक्ष आणि नोटा ) यांना 9011 इतके मतदान झाले.
– राष्ट्रवादी काँग्रेस (युतीला) ला एकूण मतदानाच्या 60.47 टक्के मतदान झाले.
– भारतीय जनता पार्टी (युतीला) ला एकूण मतदानाच्या 36.61 टक्के मतदान झाले.
– मविआ, अपक्ष आणि नोटा यांना 2.90 टक्के मतदान झाले.
उमेदवारांबाबत आकडेवारी
– इंदुरी-वराळे जिल्हा परिषद गटातील निकाल हा अत्यंत चुरशीचा ठरला. यात राष्ट्रवादी काँग्रेसचा उमेदवार अवघ्या 609 मतांनी विजयी झाला.
– टाकवे बुद्रुक-नाणे जिल्हा परिषद गटातील राष्ट्रवादी काँग्रेसचा उमेदवार हा सर्वाधिक मतांच्या फरकाने अर्थात 13,928 मतांनी विजयी झाला.
( दैनिक मावळचा व्हॉट्सअॅप चॅनेल जॉइन करण्यासाठी इथे क्लिक करा )
अधिक वाचा :
– लोणावळा जवळील टायगर पॉइंटच्या दरीत आढळला ‘त्या’ बेपत्ता तरूणीचा मृतदेह
