Dainik Maval News : महाराष्ट्र राज्य माध्यमिक व उच्च माध्यमिक परीक्षा केंद्राच्या वतीने घेण्यात येत असलेल्या बारावी परिक्षेसाठी कार्ला येथे परीक्षा केंद्र नसल्याने कार्ला येथील श्रीमती लाजवंती हंसराज ज्युनिअर कॉलेज ऑफ कॉमर्स च्या विद्यार्थांंना पवना नगर येथील पवना जुनिअर कॉलेज येथे परीक्षेला जावे लागते.
यात मुलींचे प्रमाण जास्त असल्याने या मुला-मुलींची गैरसोय न होता, वेळेत परीक्षेला पोहचता यावे, यासाठी मावळचे आमदार सुनील शेळके यांच्या माध्यमातून बारावीच्या विद्यार्थ्यांना मोफत बस सेवा उपलब्ध करुन देण्यात आली. गेल्या आठ वर्षापासून निरंतर ही सेवा उपलब्ध करून दिली जात आहे. या बारावीच्या विद्यार्थ्यांना नवनिर्वाचित जिल्हा परिषद सदस्या दिपाली दिपक हुलावळे, पंचायत समिती सदस्या रेश्मा राजु देवकर यांनी उपस्थित राहून शुभेच्छा दिल्या.
यावेळी मावळ राष्ट्रवादी काँग्रेस सेवादल अध्यक्ष तानाजी भानुसघरे, नाणे मावळ युवक अध्यक्ष राजु देवकर, नाणे मावळ युवक राष्ट्रवादी काँग्रेस कार्याअध्यक्ष अमोल वायकर, प्राचार्य संजय वंजारे, भरत येवले, नंदू मोरे, चंद्रकांत भानुसघरे, संजय हुलावळे, उमेश इंगुळकर, प्रा. काजल गायकवाड, प्रा. सचिन हुलावळे, सागर हुलावळे, अतिश इंगवले यांच्यासह आमदार सुनिल शेळके युवा मंच सदस्य यावेळी उपस्थित होते.
तसेच या विद्यार्थ्यांना शालेय समिती अध्यक्ष विनायक अभ्यंकर, पालक सदस्य सोनबा गोपाळे, सरपंच उज्वला गायकवाड, उपसरपंच सागर जाधव व सर्व ग्रामपंचायत सदस्य यांनी या विद्यार्थ्यांना शुभेच्छा दिल्या.
( दैनिक मावळचा व्हॉट्सअॅप चॅनेल जॉइन करण्यासाठी इथे क्लिक करा )
अधिक वाचा :
– जिल्हा परिषद व पंचायत समिती निवडणूक (मावळ तालुका) : अंतिम निकालानंतरची महत्वपूर्ण आकडेवारी, राष्ट्रवादीला आणि भाजपाला किती टक्के मतदान?
– लोणावळा जवळील टायगर पॉइंटच्या दरीत आढळला ‘त्या’ बेपत्ता तरूणीचा मृतदेह
