Dainik Maval News : मावळ तालुक्यातील आंबळे विविध कार्यकारी सेवा सहकारी संस्थेच्या अध्यक्षपदी माजी उपसरपंच रामदास (बाळा) यशवंत शेटे यांची बिनविरोध निवड झाली. रिक्त झालेल्या अध्यक्ष पदासाठी त्यांचा एकमेव अर्ज आल्याने निवड प्रक्रिया शांत वातावरणात पार पडली.
मावळते अध्यक्ष बाबाजी वायकर यांनी आपल्या राजीनामा दिल्याने रिक्त झालेल्या जागेसाठी निवडणूक झाली. सहाय्यक निबंधक कार्यालयात निवड प्रक्रिया राबविण्यात आली. अध्यक्षपदासाठी रामदास शेटे यांचा एकमेव अर्ज दाखल झाल्याने निवडणूक निर्णय अधिकारी राजेश निखारे यांनी त्यांची बिनविरोध निवड जाहीर केली.
यावेळी संचालक सिताराम आंभोरे, बंडू कदम, मोहन घोलप, बंडू घोजगे, बाबाजी वायकर, पांडुरंग शेटे, विलास भालेराव, सिंधूबाई शेटे, सुलाबाई कदम आणि मंगेश चतुर उपस्थित होते.
पोटोबा महाराजांच्या साक्षीने सत्कार –
निवड जाहीर झाल्यानंतर रामदास शेटे यांनी ग्रामदैवत पोटोबा महाराजांचे दर्शन घेऊन आशीर्वाद घेतले. पोटोबा महाराज मंदिरात मान्यवरांच्या उपस्थितीत सत्कार करण्यात आला. यावेळी जिल्हा परिषद सदस्य अनंता पावशे, राष्ट्रवादी काँग्रेसच्या सुकाणू समितीचे सदस्य गोविंदराव आंभोरे, संजय गांधी निराधार योजनेचे अध्यक्ष नारायण ठाकर, युवा नेते देवा गायकवाड, रोहीदास मराठे तसेच पोलीस पाटील शंकरराव आंभोरे यांनी शुभेच्छा दिल्या.
सरपंच राजेश कोकाटे, यशवंत शेटे, श्रीकांत मोढवे, पांडुरंग मोढवे, नवनाथ मोढवे, संदीप मोढवे, तेजस मोढवे, अनिल बाबर, अरविंद बधाले, मयूर नरवडे, जयेश शेटे, स्वप्नील शेटे, प्रविण बधाले, अक्षय शेटे, पांडुरंग शेटे, मारुती शेलार, भरत आंभोरे, जगन हांडे, संदीप हांडे, सीताराम आंभोरे, चंद्रकांत घोलप, गोरख घोलप, जयेश शेटे आणि प्रल्हाद शेटे, विक्रम हेमाडे उपस्थित होते.
कार्यक्रमाचे प्रास्ताविक मोहन घोलप यांनी केले. नवनाथ मोढवे यांनी सूत्रसंचालन केले, तर हनुमंत हांडे यांनी आभार प्रदर्शन केले. रामदास शेटे यांच्या बिनविरोध निवडीमुळे आंबळे परिसरातील सहकार चळवळीत नवी पिढी पुढे येत असल्याची भावना व्यक्त होत आहे.
“विश्वास जपून काम करणार”
नवनिर्वाचित अध्यक्ष रामदास शेटे म्हणाले, “आंबळे पंचक्रोशीतील गावकऱ्यांनी मोठ्या विश्वासाने मला संधी दिली आहे. हा विश्वास जपत सहकार क्षेत्रात पारदर्शक आणि विकासाभिमुख काम करण्याचा प्रयत्न राहील. आमदार सुनिल शेळके, सहकारमहर्षी माऊली दाभाडे आणि राष्ट्रवादी काँग्रेसचे अध्यक्ष गणेश खांडगे यांच्या मार्गदर्शनाखाली संस्थेची वाटचाल अधिक सक्षम करण्याचा निर्धार आहे.”
( दैनिक मावळचा व्हॉट्सअॅप चॅनेल जॉइन करण्यासाठी इथे क्लिक करा )
अधिक वाचा :
– राज्यात लवकरच ७० हजार पदांची नोकरभरती, नव्या पद्धतीने होणार भरती ; मुख्यमंत्री देवेंद्र फडणवीस यांची घोषणा
– महाशिवरात्रीसाठी श्री भीमाशंकर मंदिर बंद राहणार ; भव्य सभामंडप उभारणीचे काम व परिसर विकासकामे वेगात सुरू
– लोणावळ्यात नाश्त्यासाठी थांबला अन् फेरफटका मारायला गेला.. प्रसिद्ध कलाकाराच्या एकुलत्या एक मुलाचा दुर्दैवी मृत्यू
– मार्केटयार्ड (पुणे) ते शिळींब (ता. मावळ) पीएमपीएमएल बससेवेचा प्रारंभ ; स्थानिकांच्या मागणीला आणि आमदार सुनील शेळके यांच्या पाठपुराव्याला यश
