Dainik Maval News : वडगाव मावळ जवळील एका पॉलीहाऊसमध्ये स्वच्छता करण्याचे काम सुरू असताना येथील ओमकार ढोरे यांना जमिनीलगत काही साप हालचाल करताना दिसले. त्यांनी तातडीने याची कल्पना वन्यजीव रक्षक मावळ संस्थेचे सभासद जिगर सोलंकी आणि यश बच्चे यांना दिली. सदस्यांनीही त्वरित घटनास्थळी धाव घेतली.
पॉलीहाऊसच्या एका कोपऱ्यात साधारणतः ३-४ फूट जागेत शोध घेतला असता एकामागून एक तब्बल १३ ‘फिप्सन्स शील्डटेल’ साप मिळून आले. विशेष म्हणजे यामध्ये पिल्ले, निम-प्रौढ आणि पूर्ण वाढ झालेले अशा सर्व वयोगटातील सापांचा समावेश होता. एकाच ठिकाणी एवढ्या मोठ्या संख्येने हे साप मिळण्याची ही दुर्मिळ घटना आहे.
या घटनेनंतर तातडीने वडगाव वनविभागाचे वनपरिक्षेत्र अधिकारी प्रकाश शिंदे व वन्यजीव रक्षक मावळ संस्थेचे संस्थापक निलेश गराडे यांना या रेस्क्यू बद्दल माहिती देण्यात आली. वनविभागाच्या मार्गदर्शनाखाली, सर्व सापांची वैद्यकीय तपासणी करून त्यांना त्यांच्या अनुकूल अधिवासात सुरक्षितपणे सोडण्यात आले. या वेळीस ओमकार ढोरे, ओम दळवी, रोहित पवार, आदेश मुथा, निखिल साने यांनी रेस्क्यू कार्यात मदत केली.
खापरखवल्या साप :
फिप्सन्स शील्डटेल मराठी मध्ये खापरखवल्या साप हे बिनविषारी असून ते प्रामुख्याने जमिनीखाली किंवा ओलावा असलेल्या मातीत राहणे पसंत करतात. यांना ‘कवचासारखी शेपटी असलेले साप’ असेही म्हटले जाते. एकाच छोट्या जागेत १३ साप आढळणे हे दुर्मिळ गोष्ट आहे.
हा साप प्रामुख्याने गांडुळ खातो आणि पावसात जास्त करून जमिनी वर दिसतो. हे साप जास्ती करून शेत किंवा पॉलीहाऊस च्या परिसरात जास्त प्रमाणात आढळून येतात, माती मध्ये राहणाऱ्या या सापाला शेतात किटकनाशक मुळे किंवा नांगरताना धोका होऊ शकतो. म्हणून हे सगळे साप त्यांच्या अनुकूल अधिवासात जिथे त्यांनी काही धोका निर्माण होऊ नये अशा जागी सोडण्यात आले. IUCN या रेड लिस्ट मधे हा साप अजूनही ‘Vulnerable’ कॅटेगरी मध्ये येतो. अशा दुर्मिळ जीवांचे संरक्षण आणि अजून जास्त अभ्यास करण्याची गरज आहे.
– जिगर सोलंकी, वन्यजीव संशोधक
कोणता ही वन्यप्राणी जखमी अवस्थेत अधळ्यास जवळ पास च्या प्राणीमित्र ला किंवा वनविभागला संपर्क (१९२६) करावा असे आव्हान वन्यजीव रक्षक मावळ संस्थे चे संस्थापक निलेश गराडे ९८२२५५५००४ आणि अध्यक्ष अनिल आंद्रे यांनी लोकांना केले आहे.
( दैनिक मावळचा व्हॉट्सअॅप चॅनेल जॉइन करण्यासाठी इथे क्लिक करा )
अधिक वाचा :
– शेतजमिनीवर बांधकामासाठी अकृषक (एन.ए.) परवानगीची अट रद्द, बांधकाम आराखडा हीच परवानगी ; जमीन महसूल कायद्यात महत्त्वाची सुधारणा
– राज्यात लवकरच ७० हजार पदांची नोकरभरती, नव्या पद्धतीने होणार भरती ; मुख्यमंत्री देवेंद्र फडणवीस यांची घोषणा
– महाशिवरात्रीसाठी श्री भीमाशंकर मंदिर बंद राहणार ; भव्य सभामंडप उभारणीचे काम व परिसर विकासकामे वेगात सुरू
– लोणावळ्यात नाश्त्यासाठी थांबला अन् फेरफटका मारायला गेला.. प्रसिद्ध कलाकाराच्या एकुलत्या एक मुलाचा दुर्दैवी मृत्यू
