Dainik Maval News : राज्याचे माजी उपमुख्यमंत्री तथा वित्तमंत्री स्व. अजित पवार यांचे पदावर असताना दि. २८ जानेवारी रोजी विमान अपघातात निधन झाले. त्यामुळे स्व. अजित पवार यांच्या निधनामुळे रिक्त झालेल्या वित्तमंत्री पदाचा पदभार स्वीकारत मुख्यमंत्री देवेंद्र फडणवीस यांनी आजरोजी (दि. ६) अर्थसंकल्पीय अधिवेशवनात राज्याचा २०२६ – २०२७ या आर्थिक वर्षासाठीचा अर्थसंकल्प मांडला. दरम्यान अर्थसंकल्प सादर करताना सुरूवातीला मुख्यमंत्री फडणवीस यांनी स्व. अजित पवार यांच्या आठवणींनी आपण भावूक झालो असल्याचे सांगत, यंदाचा हा अर्थसंकल्प अजित पवार यांच्या स्मृतींना समर्पित असल्याचे म्हटले.
मुख्यमंत्री देवेंद्र फडणवीस यांनी आज राज्याचा अर्थसंकल्प सादर करताना त्यांच्या भाषणाच्या सुरूवातीलाच अजित पवार यांची आठवण काढली. मुख्यमंत्री म्हणाले की, “हे भाषण करताना माझे मन अत्यंत जड झाले आहे. सर्वाधिक वेळा उपमुख्यमंत्री पद आणि दीर्घकाळ वित्त विभागाची धुरा सांभाळलेले राज्याचे लाडके नेते अजितदादा पवार आपल्यात नाहीत. त्यांच्या जाण्याने राज्याच्या सार्वजनिक जीवनात आणि प्रशासनात कधीही भरून न निघणारी पोकळी निर्माण झाली आहे.”
पुढे बोलताना, “त्यांनी ऐकूण ११ वेळा राज्याचा अर्थसंकल्प मांडला. अजितदादा व अर्थसंकल्प हे नाते दृढ झाले होते. त्यांच्या करड्या शिस्तीमुळेच महाराष्ट्राची वित्तीय स्थिती कठीण काळातही स्थिर राहिली. काम करणारा माणूस ही त्यांची ओळख आणि त्यांनी दिलेली विकासाची दिशा आजही आपल्याला प्रेरणा देत आहे,” असे मुख्यमंत्री देवेंद्र फडणवीस म्हणाले.
तसेच मुख्यमंत्र्यांनी अजित पवार यांचे भव्य स्मारक आणि त्यांच्या नावे पुरस्काराचीही घोषणा केली. “अजित पवार यांना श्रद्धांजली म्हणून सर्व मान्यवरांशी चर्चा करून त्यांच्या व्यक्तिमत्वाला साजेसे भव्य स्मारक उभारण्यात येईल. तसेच त्यांच्या नावे गतीमान नागरी सेवा पुरस्कार देण्यात येईल असे मी जाहीर करतो. दिवंगत अजितदादांच्या स्मृतींना आजचा हा अर्थसंकल्प मी समर्पित करतो,” असे मुख्यमंत्री म्हणाले.
( दैनिक मावळचा व्हॉट्सअॅप चॅनेल जॉइन करण्यासाठी इथे क्लिक करा )
अधिक वाचा :
– इयत्ता चौथी आणि सातवीच्या शिष्यवृत्ती परीक्षेकरिता नोंदणी आणि आवेदनपत्र भरण्यासाठी मुदतवाढ ; ‘या’ तारखेपर्यंत भरता येणार अर्ज
– मावळ कृषी उत्पन्न बाजार समितीचे सभापती संभाजी शिंदे यांचा राजीनामा ! जिल्हा उपनिबंधक यांच्याकडे सोपविला राजीनामा
– वाहतूकीचे नियम मोडणारे, गाडीला काळ्या काचा – फॅन्सी नंबरप्लेट असलेल्या वाहन चालकांवर वडगाव मावळ पोलिसांची कारवाई
– पुणे – लोणावळा रेल्वे प्रवास होणार सुसाट.. प्रवाशांचा वेळ वाचणार ; रेल्वे विभागाचा मास्टर प्लॅन – वाचा सविस्तर
