Dainik Maval News : महसूल विभागामार्फत राज्यभरात छत्रपती शिवाजी महाराज महाराजस्व समाधान शिबिर अभियान राबविण्यात येत आहे. या अभियानाचा पहिला टप्पा शनिवारी (दि. ७) मावळ तालुक्यात सुरू झाला. परंदवडी-शिवणे मंडलात सुरू झालेल्या या अभियानात पहिल्या दिवशी ७० आदिवासी नागरिकांना जातीचे प्रमाणपत्र वितरित करण्यात आले.
आमदार सुनील शेळके, प्रांताधिकारी सुरेंद्र नवले यांच्या मार्गदर्शनाखाली आणि तहसीलदार विक्रम देशमुख, निवासी नायब तहसीलदार गणेश तळेकर, नायब तहसीलदार अविनाश पिसाळ, उपगट विकास अधिकारी सेवक थोरात आदी प्रमुख अधिकाऱ्यांच्या उपस्थितीत हा कार्यक्रम पार पडला.
महाराजस्व अभियानांतर्गत ‘शासन आपल्या दारी’ हा उपक्रम सुरू असून मावळ तालुक्यातील प्रत्येक मंडलात हे अभियान राबविले जाईल. शनिवारी परंदवडी – शिवणे मंडलातून अभियानाची सुरूवात झाली. यामध्ये चांदखेड येथे ७० कातकरी बांधवांना जातीचे प्रमाणपत्र वितरित करण्यात आले.
सदर उपक्रमामुळे कातकरी समाजातील बांधवांना शासनाच्या विविध योजनांचा लाभ घेणे सुलभ होणार असून त्यांच्या सामाजिक व शैक्षणिक प्रगतीस मोठी मदत होणार आहे. आदिवासी समाजासाठी जातीचे प्रमाणपत्र हे अत्यंत महत्त्वाचे कागदपत्र असल्याने अनेक कातकरी कुटुंबांना दिलासा मिळाला आहे.
याप्रसंगी दिनेश गायकवाड, अजित बावकर, संतोष नालव्हे, संदीप आगळे, बाळासाहेब माने, प्रदीप मुसूडगे यांच्यासह स्थानिक कार्यकर्ते व ग्रामस्थ मोठ्या संख्येने उपस्थित होते.
जातीचे दाखले मिळाल्यामुळे कातकरी बांधवांना शिक्षण, रोजगार व विविध शासकीय योजनांचा लाभ घेण्याचा मार्ग मोकळा झाला असून, हा उपक्रम आमदार सुनील शेळके यांच्या माध्यमातून राबविण्यात आल्याबद्दल आदिवासी बांधवांनी समाधान व्यक्त केले.
( दैनिक मावळचा व्हॉट्सअॅप चॅनेल जॉइन करण्यासाठी इथे क्लिक करा )
अधिक वाचा :
– इयत्ता चौथी आणि सातवीच्या शिष्यवृत्ती परीक्षेकरिता नोंदणी आणि आवेदनपत्र भरण्यासाठी मुदतवाढ ; ‘या’ तारखेपर्यंत भरता येणार अर्ज
– मावळ कृषी उत्पन्न बाजार समितीचे सभापती संभाजी शिंदे यांचा राजीनामा ! जिल्हा उपनिबंधक यांच्याकडे सोपविला राजीनामा
– वाहतूकीचे नियम मोडणारे, गाडीला काळ्या काचा – फॅन्सी नंबरप्लेट असलेल्या वाहन चालकांवर वडगाव मावळ पोलिसांची कारवाई
– पुणे – लोणावळा रेल्वे प्रवास होणार सुसाट.. प्रवाशांचा वेळ वाचणार ; रेल्वे विभागाचा मास्टर प्लॅन – वाचा सविस्तर
