Dainik Maval News : इमारतीच्या आठव्या मजल्यावरून पडल्याने ३४ वर्षीय महिलेचा मृत्यू झाला. वडगाव मावळ परिसरातील कातवी येथे शनिवारी (दि. ९ मे) रोजी दुपारी ही घटना घडली. प्रतिभा मनीष शंकर (रा. व्ही.टी.पी. अर्बन सोसायटी, तळेगाव एमआयडीसी रोड) असे मृत महिलेचे नाव आहे.
इमारतीतून खाली पडल्याने त्यांच्या डोक्याला गंभीर इजा झाली. प्रत्यक्षदर्शींनी त्यांना उपचारासाठी प्रथम आंबी येथील खासगी रुग्णालयात दाखल केले. त्यानंतर तळेगाव येथील जनरल हॉस्पिटलमध्ये हलविण्यात आले. परंतु डॉक्टरांनी त्यांना मृत घोषित केले. याप्रकरणी तळेगाव एमआयडीसी पोलिसांत आकस्मित मृत्यूची नोंद करण्यात आली आहे.
पोलिसांनी आत्महत्येची शक्यता वर्तवली आहे. मात्र तपासाअंती नेमके कारण कळेल, असेही स्पष्ट केले आहे. दरम्यान याप्रकरणी एक व्हिडिओ व्हायरल होत असून यात संबंधित महिला कोसळताना दिसत आहे.
यामध्ये संबंधित महिला पडत असताना पतीने त्यांना वाचविण्याचा प्रयत्न केला आणि थोडा वेळ प्रतिभा यांचा हात धरून ठेवला होता, असे दिसते. त्यांची मुलेही त्यावेळी गॅलरीत होती. परंतु वाचविण्याचा प्रयत्न सुरू असतानाच पती आणि मुलांसमोर प्रतिभा शंकर खाली कोसळल्या आणि मृत पावल्या.
View this post on Instagram
( दैनिक मावळचा व्हॉट्सअॅप चॅनेल जॉइन करण्यासाठी इथे क्लिक करा )
अधिक वाचा :
– पवना शिक्षण संकुलात दहावीच्या परीक्षेत मुलींचीच बाजी ; वारु येथील अबोली निंबळे ९६ टक्के गुणांसह केंद्रात व शाळेत प्रथम
– तळेगाव दाभाडे येथील कै. ॲड. कु. शलाका संतोष खांडगे विधी महाविद्यालयातील विद्यार्थ्यांचा दिल्ली येथे शैक्षणिक दौरा
– इयत्ता बारावी बोर्डाच्या पुरवणी परीक्षांसाठी १५ मे पर्यंत ऑनलाईन फॉर्म भरण्याचे आवाहन ; ‘लेट फी’सह ‘या’ तारखेपर्यंत फॉर्म भरता येणार
– विद्यार्थ्यांना इस्रोसह अमेरिकेतील नासा केंद्राला भेटीची मिळणार संधी ; ‘मुख्यमंत्री विद्यार्थी विज्ञान वारी’ उपक्रमाला शासनाची मान्यता
