मावळ तालुका राष्ट्रवादी काँग्रेस पक्ष (अजित पवार गट) यांकडून उद्या, अर्थात शुक्रवारी (दिनांक 29 डिसेंबर 2023) दुपारी 4 वाजता आमदार सुनिल शेळके यांच्या संकल्पनेतून आंदर मावळ विभागात फळणे फाटा इथे राष्ट्रवादी परिवार स्नेह मेळाव्याचे आयोजन करण्यात आले आहे. आंदर मावळ भागातील ज्येष्ठ नागरिक, महिला, बंधू भगिनी, आजी-माजी लोकप्रतिनिधी, पक्षाचे आजी-माजी पदाधिकारी, सर्व फ्रंटल सेलचे पदाधिकारी आणि कार्यकर्ते यांच्या उपस्थितीत हा स्नेह मेळावा संपन्न होणार असल्याची माहिती अजित पवार गटाचे राष्ट्रवादी काँग्रेस पक्षाचे तालुकाध्यक्ष गणेश खांडगे यांनी दिली. ( मावळ तालुक्यातील प्रत्येक घडामोडीची अपडेट मिळवा दैनिक मावळच्या व्हॉट्सअॅप चॅनेलवर )
आंदर मावळ विभागातील सुदवडी, सुदुंबरे, जांबवडे, नवलाख उंब्रे, जाधववाडी, मिंडेवाडी, बधलवाडी, परीटवाडी, मंगरुळ, शेटेवाडी, शिरे, खुरसुलेवाडी, आंबळे, कदमवाडी, निगडे, कल्हाट, पवळेवाडी, कोंडिवडे, भोयरे, कशाळ, किवळे, पिचडवाडी, इंगळूण, पारीठेवाडी, मानकली, अनसुटे, कुणे, कुणेवाडी, माळेगाव खुर्द, पिंपरी, तळपेवाडी, माळेगाव बु., सावळा, कळकराई, आढारवाडी, मेटलवाडी, गोंटेवाडी, ढोंगेवाडी, निळशी, निसाळवाडी, खांडी, कुसूर, मोरमारेवाडी, चिरेखान, लोहटवाडी, बेंदेवाडी, लालवाडी, डाहूली, कांब्रे, बोरवली, कुसवली, वहानगाव, नागाथली, शिंदेवाडी, घाटेवाडी, वडेश्वर, लष्करीवाडी, गभालेवाडी, डोंगरवाडी, सटवाईवाडी, धनगरपठार, माऊ, दवणेवाडी, फळणे, टाकवे बुद्रुक, बेलज, राजपुरी या गावातील नागरिकांच्या समस्या या मेळाव्यात जाणून घेतल्या जाणार आहेत. ( Big Rally Organized By NCP Ajit Pawar Group In Andar Maval on Concept of MLA Sunil Shelke )
तालुकाध्यक्ष गणेश खांडगे म्हणाले की, ‘मावळ तालुका राष्ट्रवादी काँग्रेस पक्ष (अजित पवार गट) वतीने ‘संकल्प दूरदृष्टीचा सर्वागीण विकासाचा’ ही थीम घेऊन आंदर मावळातील गावभेट दौरा घेतला होता. या दौऱ्यात स्थानिक गावकऱ्यांनी सार्वजनिक विकासाची कामे सुचवली होती. तसेच वैयक्तिक अडचणी, विविध शासकीय योजनांचा लाभ या विषयाचे प्रस्ताव दिले होते. या सर्व बाबींचा अहवाल राष्ट्रवादी काँग्रेस पक्षाने उपमुख्यंमंत्री अजित पवार व आमदार सुनिल शेळके यांना दिला होता. या अहवालातील विविध समस्यांची सोडवणूक झाली आहे. तर विविध विकास कामे मार्गी लागली आहे.’
राष्ट्रवादीचे जिल्हाअध्यक्ष प्रदीप गारटकर, आमदार सुनिल शेळके, संत तुकाराम सहकारी साखर कारखान्याचे उपाध्यक्ष बापूसाहेब भेगडे, राष्ट्रवादीचे माजी तालुकाध्यक्ष बबनराव भेगडे, माजी तालुकाध्यक्ष गणेश ढोरे, माजी तालुकाध्यक्ष विठ्ठलराव शिंदे, माजी सभापती बाबूराव वायकर, माजी सभापती अतिष परदेशी यांच्यासह मावळ तालुक्यातील अनेक ज्येष्ठ नेते, पदाधिकारी आणि मान्यवर मेळाव्याला उपस्थित राहणार आहेत. आंदर मावळातील सर्व पदाधिकारी व कार्यकर्ते यांनी उपस्थित राहावे, असे आवाहन पक्षाकडून करण्यात आले आहे.
अधिक वाचा –
– मावळ लोकसभा लढवण्यासाठी अजितदादांचा ‘विश्वासू नेता’ राष्ट्रवादी सोडणार? ठाकरेंच्या शिवसेनेत प्रवेश करणार? वाचा सविस्तर
– उपमुख्यमंत्री देवेंद्र फडणवीस यांच्या हस्ते मावळचे माजी आमदार स्व. दिगंबर (दादा) भेगडे यांच्या स्मारकाचे लोकार्पण!
– महत्वाची बातमी! कोर्टाकडून आर्थिक दुर्बल घटकांचे आरक्षण मान्य, शेकडो मराठा उमेदवारांचा भरतीचा मार्ग मोकळा
