मुंबई पुणे महामार्गावर बस अपघात ची घटना घडली आहे. कार्ला येथे आई एकविरा देवीचे दर्शन घेऊन पुन्हा माघारी निघालेल्या शिक्षकांच्या बसचा बोरघाटात सायमाळजवळ अपघात झाला आहे. बसचा ब्रेक फेल झाल्याने बस उलटली आणि त्यामुळे बसमधील प्रवासी जखमी झाले. सुदैवाने या अपघातात कुठलीही जिवितहानी झालेली नाही. ( Bus Accident At Borghat On Mumbai Pune Highway )
दैनिक मावळचा व्हॉट्सअॅप ग्रुप जॉइन करण्यासाठी इथे क्लिक करा
जवार विद्या भवन, चेंबूर (मुंबई) येथील शिक्षकांचा ग्रुप मुंबईहून कार्ला येथे आई एकविरा देवीच्या दर्शनासाठी आला होता. दर्शन घेऊन हे सर्वजण माघारी परतत असताना बोरघाटात सायमाळ जवळ बसचा ब्रेक फेल झाल्याने बस पलटली. अपघातावेळी बसमध्ये 18 प्रवासी अधिक 1 चालक असे एकूण 19 जण होते. अपघातानंतर यापैकी 7 जण किरकोळ जखमी झालेत, तर 1 गंभीर जखमी झाला आहे.
अपघाताची माहिती मिळताच बचाव यंत्रणा, पोलिस दल, अपघातग्रस्तांच्या मदतीसाठी संस्थेचे सदस्य घटना स्थळी दाखल झाले. जखमींना खोपोली नगरपालिकेच्या रुग्णालयात दाखल करण्यात आले. तिथे उपचारानंतर त्यांना पुढे रवाना करण्यात आले.
अधिक वाचा –
– “छत्रपती शिवाजी महाराजांचा अपमान करणाऱ्या राज्यपाल कोश्यारींना तात्काळ हटवा !”
– तुंग गावचे युवा नेते दिनेश पाठारे, रमेश पांगारे यांचा राष्ट्रवादी काँग्रेस पक्षात जाहीर प्रवेश