जनसेवा विकास समितीचे संस्थापक अध्यक्ष किशोर आवारे यांची शुक्रवारी (दिनांक 12 मे) रोजी भरदिवसा तळेगाव दाभाडे नगरपरिषद कार्यालयासमोर निर्घृण हत्या करण्यात आली. या हत्येने मावळ तालुक्यात एकच खळबळ माजली आहे. परंतू, किशोर आवारे यांच्या हत्येप्रकरणी किशोर आवारे यांच्या मातोश्री सुलोचना आवारे यांच्या फिर्यादीवरुन मावळचे आमदार सुनिल शेळके, त्यांचे बंधू सुधाकर शेळके यांसह सात जणांवर गुन्हा दाखल झाल्याने आमदार शेळकेंच्या कार्यकर्त्यांना मोठा धक्का बसला आहे.
दैनिक मावळचा व्हॉट्सअॅप ग्रुप जॉइन करण्यासाठी इथे क्लिक करा
‘आमदार सुनिल शेळके यांच्यावर दाखल झालेला गुन्हा हा राजकीय आकसापोटी झाला असून त्यांना आणि त्यांच्या बंधूंना यात विनाकारण गोवले जात आहे’, असे सांगत आमदार सुनिल शेळके यांचे कार्यकर्ते समर्थक यांच्याकडून उद्या अर्थात रविवार, दिनांक 14 मे रोजी तळेगाव दाभाडे शहरातील मारुती मंदिर चौक इथे भव्य निषेध मोर्चा काढण्यात येणार आहे. ( Case filed against MLA Sunil Shelke Protest march by supporters in Talegaon Dabhade on Sunday )
काय केलंय आवाहन?
मावळचे लोकप्रिय जनसेवक आमदार श्री.सुनिलआण्णा शेळके व त्यांच्या कुटुंबियांवर राजकीय आकसापोटी दाखल केलेल्या गुन्ह्याच्या निषेधार्थ जाहीर मोर्चा आयोजित केला आहे. रविवार दि.१४ मे २०२३, वेळ – सकाळी ठिक ९ वा. स्थळ – मारुती मंदिर चौक,तळेगाव दाभाडे. बहुसंख्येने उपस्थित रहा.
असे आवाहन करण्यात आले आहे.
अधिक वाचा –
– मोठी बातमी! किशोर आवारे यांच्या हत्येप्रकरणी आमदार सुनिल शेळके यांसह सात जणांवर गुन्हा दाखल, तालुक्यात खळबळ
– आठवडे बाजाराच्या दिवशी उपनगराध्यक्षा स्वतः रस्त्यावर उतरल्या अन् 100 टक्के कर वसूल झाला । वडगाव मावळ
