Dainik Maval News : राज्याचे उपमुख्यमंत्री आणि राज्याचे लाडके ‘दादा’ अजित पवार यांचे बुधवारी (दि. २८) बारामती येथे विमान अपघातात दुर्दैवी निधन झाले. अजित पवार यांच्या निधनामुळे महाराष्ट्र स्तब्ध झाला आहे. दरम्यान बुधवारीच मावळ तालुक्यात मावळच्या माजी आमदार रुपलेखा ताई ढोरे यांचेही दुःखद निधन झाले आहे. या दोन्ही अनपेक्षित आणि दुःखद घटनांच्या पार्श्वभूमीवर मावळ तालुक्यात जिल्हा परिषद आणि पंचायत समिती निवडणुकीच्या प्रचारात बदल होण्याची शक्यता दिसत आहे.
मावळ तालुक्यात पुणे जिल्हा परिषद आणि पंचायत समिती मावळकरिता निवडणुक होत आहे. दरम्यान मावळात निवडणूकीच्या निमित्ताने नेहमीच वेगळं चित्र पाहायला मिळतं. डिजेवर वाजणारी प्रचार गिते, नेत्यांपुढे वाजणारी वाद्ये, ढोल-ताशे हलगी यांचा दणदणाट आणि नेते – कार्यकर्ते यांच्या भव्य रॅली, सभा असे चित्र दिसत असते. परंतु अजित दादा आणि रुपलेखाताई यांच्या निधनानंतर आता होत असलेल्या जिल्हा परिषद, पंचायत समिती निवडणुकीतील प्रचारपद्धतीत बदल होण्याची चिन्हे आहे.
त्यानुसार, आता उर्वरित दिवसांत, सभा – रॅली काढल्या जाणार नाहीत, प्रचारात डिजे – वाद्ये यांचा दणदणाट होणार नाही अशी चर्चा होत आहे. तसेच सर्वच पक्षांतील नेते, पदाधिकारी या पद्धतीनेच पुढे जाण्या बाबत सकारात्मक असल्याचे चित्र पाहायला मिळत आहेत. तसेच स्थानिक स्वराज्य संस्थांच्या या निवडणुका कार्यकर्त्यांच्या निवडणूका समजल्या जातात, त्यामुळे या निवडणुकींत केवळ कार्यकर्तेच दिसतील आणि ते ताकदीने प्रचारात उतरून प्रचार करतील, नेत्यांच्या सभा – भाषणे होणार नाहीत, असे बोलले जात आहे.
( दैनिक मावळचा व्हॉट्सअॅप चॅनेल जॉइन करण्यासाठी इथे क्लिक करा )
अधिक वाचा :
– महाराष्ट्राच्या राजकारणाला असलेला शाप ! दादा – आबा – साहेब … अनेक दिग्गजांनी घेतलीये अकाली एक्झिट
– मावळची विकासरेखा हरवली ! मावळ विधानसभेच्या माजी आमदार रुपलेखा ढोरे यांचे अल्प आजाराने निधन
– महाराष्ट्राचे लाडके ‘दादा’ पंचतत्वात विलीन.. लाखो चाहते कार्यकर्त्यांकडून अजित पवार यांना साश्रूनयनांनी अखरेचा निरोप
– Photo : अजित दादा पवार यांचे कधीही न पाहिलेले दुर्मिळ फोटो
