Dainik Maval News : मावळ तालुक्यातील सर्व ग्रामपंचायतींनी प्रधानमंत्री आवास योजना टप्पा 2 अंतर्गत येत्या 31 मेपर्यंत बेघर कुटुंबांचे आवास 2024 सर्वेक्षण पूर्ण करून घ्यावे, असे आवाहन मावळ पंचायत समितीचे गटविकास अधिकारी कुलदीप प्रधान व सहाय्यक गटविकास अधिकारी सेवक थोरात यांनी केले आहे.
ग्रामपंचायतींना आपापल्या कार्यक्षेत्रातील बेघर कुटुंबांचे सर्वेक्षण पूर्ण करून घेण्यासाठी यापूर्वी 15 मेपर्यंत मुदत देण्यात आली होती. परंतु, अद्यापही शंभर टक्के बेघर कुटुंबांचे सर्वेक्षण पूर्ण झाले नाही. भारत सरकारच्या ग्रामीण विकास मंत्रालयाचे सचिव यांनी आवास 2024 सर्वेक्षण पूर्ण करण्यासाठी 31 मे पर्यंतची पुन्हा मुदत दिली असून, या कालावधीत सर्वेक्षण पूर्ण करून घेण्यासंबंधी सूचना दिल्या आहेत.
मावळ तालुक्यातील सर्व ग्रामपंचायत अधिकाऱ्यांनी आवास 2024 चे सर्वेक्षण 31 मे पर्यंत पूर्ण करण्याचे नियोजन करून सर्व बेघर पीएमएवायजी टप्पा 2 अंतर्गत घरकुल पात्र कुटुंबांचे विनाविलंब सर्वेक्षण पूर्ण करावे. तसेच शंभर टक्के सर्वेक्षण झाल्याचे प्रमाणपत्र सादर करावे, अशा सूचना गटविकास अधिकारी कुलदीप प्रधान व सहाय्यक गटविकास अधिकारी सेवक थोरात यांनी दिल्या आहेत.
योजनेच्या सर्वेक्षणापासून कोणीही वंचित राहू नये, अशा स्पष्ट सूचना देण्यात आल्या आहेत. यासाठी पुन्हा मुदतवाढ मिळणार नसल्यामुळे ज्या ग्रामपंचायतींचा सर्वे जरी झाला असेल तरी त्यांनीदेखील पुन्हा खात्री करून घ्यावी व विनाविलंब सर्वेक्षण पूर्ण करून घ्यावे, असे प्रधान व थोरात यांनी सर्व ग्रामपंचायतींना कळवले आहे.
( मावळ तालुक्यातील प्रत्येक घडामोडीची अपडेट मिळवा दैनिक मावळच्या व्हॉट्सअ‍ॅप चॅनेलवर )
अधिक वाचा –
– खरीप हंगाम तोंडावर, कृषी सहाय्यक संपावर ! बळीराजा आणि कृषी विभागातील संपर्क तुटला । Maval News
– तळेगाव आगारातून सुटणारी तळेगाव दाभाडे ते विलेपार्ले बस पुन्हा सुरू करण्याची मागणी । Talegaon Dabhade
– खादी ग्रामोद्योग संघ मावळ तालुक्यात ‘पंतप्रधान विश्वकर्मा कौशल्य सन्मान’ योजना प्रभावीपणे राबविणार । Maval News
– जमिनीच्या वादातून शेजाऱ्यांकडून एकाला बेदम मारहाण ; आंबळे गावातील घटना । Maval News
