आमदार सुनिल शेळके यांनी मावळ तालुक्यातील विद्युतविषयक विविध कामांसाठी 5 कोटी 62 लाख 12 हजार एवढा निधी मंजूर झाल्याची माहिती समाज माध्यमांवर टाकली होती. त्यावर मावळचे माजी आमदार आणि पुणे जिल्हा नियोजन समितीचे निमंत्रित सदस्य बाळा भेगडे यांनी तालुक्याला 5 कोटी 62 लाख रुपयांचा निधी नाही तर साडेसात कोटी रुपयांचा निधी मंजूर झाल्याचे सांगत, आमदारांना मंजूर कामांची बेरीजही जमत नसल्याचा टोला लगावला होता. त्यावर आता आमदार सुनिल शेळके यांनी प्रत्युत्तर दिले आहे.
दैनिक मावळचा व्हॉट्सअ‍ॅप ग्रुप जॉइन करण्यासाठी इथे क्लिक करा
….निमंत्रित सदस्याने मधेमधे नाक खुपसू नये!
माजी आमदार बाळा भेगडे यांच्या टीकेला आणि लगावल्याला टोल्याला विद्यमान आमदार सुनिल शेळके यांनी जशाच तसा टोला लगावत प्रत्युत्तर दिले आहे. पंचवीस लाख निधीचा अधिकार असलेल्या निमंत्रित सदस्याने मधेमधे नाक खुपसू नये, अशी जहरी टीका आमदार सुनिल शेळकेंनी माजी आमदारांवर केली आहे. ( fund approved by Pune District Planning Committee to Maval Taluka Electricity work conflict between MLA Sunil Shelke and Bala Bhegade )
“जिल्हा नियोजन समितीच्या माध्यमातून मावळ तालुक्यात विद्युत विभागाच्या अंतर्गत अनेक कामे मंजूर झाली आहेत. पालकमंत्री, खासदार, आमदार यांनी लोकप्रतिनिधी म्हणून आणि संबंधित विभागाचे अधिकारी यांनी सुचवल्यानुसार ही कामे होत असतात. गुरुवारी (6 एप्रिल) वडगाव मावळ येथे झालेल्या आढावा बैठकीत जी कामे मंजूर झाली आहेत. त्यासंबंधीची माहिती विद्युत विभागाच्या अधिकाऱ्यांनी दिली होती. स्थानिक नागरिकांच्या मागणीनुसार ही कामे मंजूर करण्यात आली आहेत आणि या मंजुर झालेल्या कामांबाबत मी माननीय पालकमंत्र्यांचे जाहीर आभार देखील व्यक्त केले आहेत. त्यामुळे पंचवीस लाख निधीचा अधिकार असलेल्या निमंत्रित सदस्याने मधेमधे नाक खुपसु नये’, असे आमदार शेळके यांनी म्हटले आहे.
सर्वसाधारण जिल्हा वार्षिक योजना सन २०२२ -२३ सामान्य विकास विभाग सुधारणा अंतर्गत आपल्या मावळ तालुक्यातील विद्युत विभागाच्या सुमारे ५ कोटी ६२ लक्ष १२ हजार रु.च्या कामांना मान्यता मिळाली.
पुणे जिल्ह्याचे पालकमंत्री मा.श्री.चंद्रकांतदादा पाटील यांचे मन:पूर्वक आभार! pic.twitter.com/iQtnyYpKph— Sunil Shelke (@shelkesunilanna) April 7, 2023
तसेच, राज्यात आणि केंद्रात तुमचे सरकार आहे. तुमचे असलेले राजकीय वजन आणि संबंध वापरुन जी दहा कामे तालुक्यातील सुचवली आहेत. ती पूर्ण करण्यासाठी त्याचा उपयोग करावा. किरकोळ कामांमध्ये तुमचा वेळ वाया घालू नये, असा सल्लाही आमदार शेळकेंनी बाळा भेगडेंना दिला.
तालुक्याला निधी मंजूर झालेली विकासकामे;
श्री विठ्ठल रखुमाई तुकाराम महाराज भंडारा डोंगर ट्रस्टच्या विद्युत कामासाठी 1 कोटी 39 लाख 48 हजार रुपये, यासह तालुक्यातील सोमाटणे, सांगवडे, साळुंब्रे, धानगव्हाण,उर्से, राजपुरी, कामशेत, कल्हाट, वडगाव (मावळ), ब्राम्हणोली, सांगीसे, आढे, काले, चावसर, थुगाव, कोथुर्णे बऊर, पुसाणे, ठाकुरसाई, शिळिंब, चिखलसे, नाणे, इंदोरी, उकसान, आढले, कशाळ, जांबवडे, भोयरे, जांभुळ, चांदखेड, कडधे, गहुंजे आदी गावांतील विद्युतविषयक विकासकामांसाठी निधी मंजुर झाला, अशी माहिती बाळा भेगडे यांनी दिली.
अधिक वाचा –
– पुणे जिल्हा मध्यवर्ती सहकारी बँकेच्या तळेगाव दाभाडे शाखेचा नूतनीकरण समारंभ मान्यवरांच्या उपस्थितीत संपन्न
– हनुमान जयंती आणि काळभैरवनाथ देवाच्या उत्सवानिमित्त टाकवे खुर्द गावात पार पडली भव्य छकडी स्पर्धा
