Dainik Maval News : मुंबई स्थित ऑफबीट फाउंडेशन तर्फे संपर्क बालग्राम येथील आश्रयित मुलींच्या दैनंदिन गरजांसाठी आवश्यक साधनसामग्री तसेच काही जीवनावश्यक वस्तु देणगीस्वरूपात देण्यात आल्या आहेत. तसेच, आश्रमातील मुलींच्या उज्ज्वल भविष्यासाठी व त्यांना राज्य तसेच राष्ट्रीय स्तरावरिल खेळांची तयारी करता यावी यासाठी काही क्रिडासामग्री उपलब्ध करुन देण्यात आली. स्वंत्र्यदिनाचे औचित्य साधून ही भेट देण्यात आली. ( मावळ तालुक्यातील प्रत्येक घडामोडीची अपडेट मिळवा दैनिक मावळच्या व्हॉट्सअॅप चॅनेलवर )
कार्यक्रमाची सुरुवात ध्वजारोहणाने करण्यात आली. त्यानंतर मान्यवरांच्या उपस्थितीत ऑफबीट फाउंडेशन कडून संपर्क बालग्राम, भाजे या मुलींच्या अनाथ आश्रमाची माहिती जाणून घेण्यात आली. यावेळी ऑफबीट फाउंडेशनचे उपाध्यक्ष राहुल भडाळे आणि इतर सदस्य, संपर्कचे संस्थापक अमितकुमार बॅनर्जी, माजी जिल्हा परिषद सदस्या अलका धानिवले, लोहगड विकास सोसायटी चेअरमन गणेश धानिवले, लोहगड ग्रामपंचायत उपसरपंच ज्योती धानिवले, भाजे ग्रामपंचायत सरपंच प्रिया ओव्हाळ, संपर्कचे प्रभारी सुभाष भोंगर्डे आदि उपस्थित होते. ( Gift of essential equipment for girls in Sampark Balgram at Bhaje by Offbeat Foundation )
याप्रसंगी राहुल भडाळे यांनी त्यांच्या संस्थेविषयी बोलताना सांगितले की, समाजातील दुर्बल घटकांच्या खास करून लहान मुला – मुलींच्या सशक्तीकरणावर विशेष लक्ष केंद्रित करून त्यांचे जीवन बदलण्याचे एक ध्येय उराशी बाळगून सन 2017 मध्ये ऑफबीट फाउंडेशनची स्थापना करण्यात आली. माणूसकीच्या नात्याने तसेच आमच्या प्रयत्नात कोणतीही कसर न सोडता धाडसी आणि नाविन्यपूर्ण उपक्रमांद्वारे या क्षेत्रात कायमस्वरूपी प्रभाव निर्माण करण्याचा आमचा निर्धार असल्याचे त्यांनी येथे नमूद केले.
अधिक वाचा –
– पोलिसांची सिनेस्टाईल कारवाई ! घरफोडी करणाऱ्या आंतरराज्य टोळीतील मुख्य आरोपीला अटक, 12 लाखांचा मुद्देमाल जप्त
– Breaking : उपमुख्यमंत्री अजित पवार यांच्या अध्यक्षतेखालील बैठकीत लोणावळा शहराबाबत अनेक मोठे निर्णय – एका क्लिकवर वाचा सर्व निर्णय
– मोठी बातमी ! लोणावळा शहरात ‘ओला’ ‘उबर’ सारख्या ऑनलाईन टॅक्सींना व्यवसायासाठी बंदी, मंत्रालयातील आढावा बैठकीत निर्णय । Lonavala News