Dainik Maval News : मावळ तालुक्यात मुसळधार पाऊस सुरूच आहे. लोणावळा, पवनमावळ आदी डोंगराळ भागात पावसाचा जोर सर्वाधिक दिसत आहे. लोणावळा विभाग, पवनमावळ, नाणे मावळ, आंदर मावळ भागात गेल्या दोन दिवसांपासून जोरदार पाऊस कोसळत असून पुढील काही दिवस पावसाची स्थिती अशीच राहण्याचा अंदाज आहे. ( मावळ तालुक्यातील प्रत्येक घडामोडीची अपडेट मिळवा दैनिक मावळच्या व्हॉट्सअॅप चॅनेलवर )
मावळ तालुक्यातील प्रमुख पवना धरण शंभर टक्के भरले आहे. आताही पवना धरणाच्या पाणलोट क्षेत्रात पाऊस सुरूच आहे. त्यामुळे धरणात पाण्याची आवकही सुरू आहे. सोमवारी (दि.९) दिवसभरात पवना धरण परिसरात १४ मीमी पावसाची नोंद करण्यात आली. यासह चालू हंगामात ३०६७ मीमी इतका पाऊस झाला आहे. सद्यस्थितीत पवना धरण शंभर टक्के भरले असून पावसाचा जोर अधिक तीव्र नसल्याने धरणातून विसर्ग बंद करण्यात आला आहे.
लोणावळा विभागात देखील पावसाचा जोर काहीसा कमी आहे. मात्र पाऊस पूर्णतः थांबलेला नसून उन पावसाचा खेळ सुरू आहे. मंगळवारी सकाळी सात वाजता घेतलेल्या नोंदीनुसार लोणावळा शहर परिसरात २४ तासात २ मीमी पाऊस झाला. यासह चालू हंगामात अर्थात १ जूनपासून कूण ५४७७ मीमी पावसाची नोंद करण्यात आलेली आहे. यंदा गतवर्षीपेक्षा आजपर्यंत ९५९ मीमी पाऊस अधिक झाला आहे. सध्या गणेशोत्सव असल्याने तितक्या प्रमाणात पर्यटनासाठी गर्दी होत नसली तरीही विकेंडला मात्र लोणावळ्यात पर्यटकांची गर्दी होताना दिसत आहे.
अधिक वाचा –
– राज्यातील अंगणवाडी केंद्रांना सोलर सिस्टिम देणार, शिंदे सरकारचा निर्णय, 36 हजारापेक्षा जास्त केंद्रे प्रकाशमान होणार
– कामशेतमधील मुस्लीम दफनभूमीस संरक्षण भिंत बांधण्यासाठी 50 लाखांचा निधी उपलब्ध । Kamshet News
– लोणावळा नगर परिषद हद्दीतील विविध विकासकामांचे आमदार सुनिल शेळकेंच्या हस्ते भूमिपूजन । Lonavala News