व्हाट्सअप ग्रुप जॉईन करा
  • Contact us
  • Fact-Checking Policy
  • Home
  • Ownership & Funding Info
  • Privacy Policy
  • Video
Monday, November 16, 2026
  • Login
Dainik Maval
  • होम
  • लोकल
    • ग्रामीण
    • शहर
  • पुणे
    • ग्रामीण
    • शहर
  • महाराष्ट्र
  • देश-विदेश
  • मावळकट्टा
  • व्हिडीओ
No Result
View All Result
  • होम
  • लोकल
    • ग्रामीण
    • शहर
  • पुणे
    • ग्रामीण
    • शहर
  • महाराष्ट्र
  • देश-विदेश
  • मावळकट्टा
  • व्हिडीओ
No Result
View All Result
Dainik Maval
No Result
View All Result

जिल्हाधिकाऱ्यांच्या आदेशाला केराची टोपली, पोलीस अधीक्षकांच्या सुचनाही नजरेआड ; लोणावळा शहरात अवजड वाहनांची वाहतूक सुरूच

पोलिसांच्या डोळ्यादेखत ही अवजड वाहने राष्ट्रीय महामार्गावरून जात आहेत.

Team Dainik Maval by Team Dainik Maval
October 16, 2025
in पुणे, ग्रामीण, लोकल, शहर
Heavy vehicle traffic continues in Lonavala city Collector orders SP instructions ignored by Driver

Photo Courtesy : Team Dainik Maval


Dainik Maval News : लोणावळा व खंडाळा या शहरांमधून जाणाऱ्या मुंबई पुणे राष्ट्रीय महामार्गावर होणारी वाहतूक कोंडी व या मार्गावर सातत्याने होत असलेले अपघात रोखण्यासाठी मुंबई पुणे राष्ट्रीय महामार्गावर मनशक्ती ते खंडाळा दरम्यान अवजड वाहनांना सकाळी सहा ते रात्री दहा वाजण्याच्या दरम्यान पूर्णतः बंदी घालण्यात आली आहे. तसे आदेश जिल्हाधिकारी यांनी परिपत्रक काढत प्रसिद्ध केले आहेत. सदर आदेशाची कडक अंमलबजावणी करा, अशा सूचना पुणे ग्रामीणचे पोलीस अधीक्षक यांनी लोणावळा शहर पोलीस व खंडाळा महामार्ग पोलीस यांना दिल्या आहेत. असे असताना देखील लोणावळा शहरांमधून अवजड वाहनांची वाहतूक सुरूच आहे.

पोलिसांच्या डोळ्यादेखत ही अवजड वाहने राष्ट्रीय महामार्गावरून जात आहेत. काही वाहन चालकांना तर महामार्ग पोलीसच आर्थिक तडजोडीअंती कानमंत्र देत अंतर्गत रस्त्यांवरून जाण्यास परवानगी देत असल्याचे देखील खाजगी मध्ये बोलले जात आहे.

लोणावळा शहरातून जाणाऱ्या मुंबई-पुणे राष्ट्रीय महामार्गावर सातत्याने होत असलेले अपघात रोखण्यासाठी तसेच या मार्गावर लोणावळा गवळीवाडा नाका परिसर व खंडाळा बाजारपेठ या भागामध्ये होत असलेली वाहतूक कोंडी सोडवण्यासाठी लोणावळ्यातील नागरिकांनी उस्फूर्तपणे मुंबई-पुणे राष्ट्रीय महामार्ग रोखत याठिकाणी मोठे जन आंदोलन केले होते. त्याची दखल घेत महाराष्ट्र राज्य रस्ते विकास महामंडळ तसेच पुणे जिल्हाधिकारी यांनी या रस्त्यावर अवजड वाहनांना वलवण ते खंडाळा दरम्यान बंदी घातली होती.

  • जिल्हाधिकारी पुणे यांनी याबाबतचे परिपत्रक जारी करून त्याची अंमलबजावणी करण्याची जबाबदारी ही लोणावळा व खंडाळा महामार्ग पोलीस यांना दिली आहे. तसेच आदेश न पाळल्यास कारवाई करण्याचा इशारा देखील दिला होता. तरी देखील अवजड वाहने गावातून जात असतील तर पाणी नेमकं मुरतंय कोठे याचा देखील विचार करावा लागणार आहे.

वास्तविक पाहता मुंबई पुणे राष्ट्रीय महामार्ग व मुंबई पुणे द्रुतगती महामार्गावरील वाहतूक कोंडी व अडथळे सोडवण्यासाठी महामार्ग पोलीस ही शाखा आहे. मात्र खंडाळा महामार्ग पोलीस वाहतूक कोंडीच्या ठिकाणी कधीच दिसत नाहीत, तर ते खंडाळा पोलीस चौकी समोर तसेच खंडाळा बाह्य वळण मार्ग व वलवण येथील टोल नाक्याच्या समोर वाहने अडवून त्यांची तपासणी करण्यात मश्गूल आहेत.

तपासणी केलेल्या किती वाहनांवर कारवाई केली जाते व किती ठिकाणी आर्थिक तडजोड केली जाते, हे त्यांना व देवालाच माहिती. खंडाळा महामार्ग पोलिसांच्या या लुटमारी विरोधात लोणावळ्यातील नागरिकांनी रास्ता रोको आंदोलन केले होते. द्रुतगती महामार्गाच्या वलवण पुलावर ज्या ठिकाणी खंडाळा महामार्गाचे पोलीस उभे राहतात त्याच ठिकाणी अनाधिकृतपणे बंदी असताना देखील वाहने रस्त्यावर थांबवली जातात. त्या ठिकाणी काही विक्रेते खाद्यपदार्थांची व चहाची विक्री करत आहेत. वास्तविक पाहता मुंबई पुणे द्रुतगती महामार्गावर नागरिकांना व दुचाकी तसेच रिक्षा यांना जाण्यास बंदी असताना देखील महामार्ग पोलिसांच्या डोळ्यासमोर कोणाच्या आशीर्वादाने हे व्यवसाय द्रुतगती महामार्गावर सुरू आहेत, हे वेगळे सांगण्याची आवश्यकता नाही.

पुणे जिल्हाधिकारी व पुणे ग्रामीणचे पोलीस अधीक्षक हे पुणे जिल्ह्याचे प्रमुख असताना देखील त्यांच्या आदेशाला व सूचनांना हे त्यांचेच कर्मचारी मूठमाती देत असल्याचे दिसून येत आहे. आदेश न पाळणाऱ्यांवर कारवाई केली जाईल, असे जिल्हाधिकारी यांनी आढावा बैठकीत म्हटले होते. आता वरिष्ठांचे आदेश न पाळणाऱ्या व सर्वसामान्यांच्या जीवाशी खेळणाऱ्या या स्थानिक पोलीस अधिकारी व कर्मचाऱ्यांवर खरंच वरिष्ठ कारवाई करणार का? की बिन बोबाट हा सावळा गोंधळ पुढेही सुरू राहणार, अशी विचारणा लोणावळ्यातील नागरिक करत आहेत. याबाबत पोलीस अधिकाऱ्यांशी संपर्क साधला असता त्यांनी कारवाई करण्याचे आश्वासन दिले आहे.

चार महिने उलटून गेले, तरीही लोणावळ्यातील समस्या जैसे थे – डॉ. किरण गायकवाड
लोणावळ्यातील समस्या जाणून घेत त्या सोडवण्यासाठी पुणे जिल्हाधिकारी व पुणे ग्रामीणचे पोलीस अधीक्षक यांनी लोणावळा नगरपरिषदेमध्ये मावळचे आमदार सुनील शेळके यांच्या उपस्थितीमध्ये आढावा बैठक घेतली होती. या बैठकीमध्ये नागरिकांचे प्रश्न ऐकून घेतल्यानंतर पुढील तीन महिन्यांमध्ये लोणावळा शहरातील सर्व प्रश्न सुटतील, असा शब्द या दोन्ही वरिष्ठ अधिकाऱ्यांनी लोणाकर नागरिकांना दिला होता. प्रत्यक्षात मात्र चार महिने झाले तरी येथील समस्या जैसे थे आहेत.

जुन्या समस्यांवर नागरिकांना प्रशासनाकडे वारंवार हेलपाटे मारावे लागत आहेत, मागणी करावी लागत आहे. अशा शब्दात ‘लोणावळा जागरूक नागरिक व मी लोणावळाकर’चे डॉ. किरण गायकवाड यांनी प्रशासनाच्या कार्यपद्धतीवर प्रश्नचिन्ह उपस्थित केले आहे. आपण दिलेल्या आश्वासनांची आठवण करून देण्यासाठी त्यांनी वरील दोन्ही वरिष्ठ अधिकाऱ्यांना याबाबतच्या स्मरणपत्र देखील पाठवले आहे.

( मावळ तालुक्यातील प्रत्येक घडामोडीची अपडेट मिळवा दैनिक मावळच्या व्हॉट्सअ‍ॅप चॅनेलवर )
अधिक वाचा –
– पुणे जिल्हा परिषद निवडणूक : जिल्हा परिषदेच्या 73 सदस्य पदाकरिता गटनिहाय आरक्षण सोडत जाहीर, पाहा संपूर्ण यादी
– अध्यक्षपद राहिले दूर, सदस्य होण्याचेही स्वप्न भंगले ! जिल्हा परिषद गट आरक्षण सोडतीनंतर मावळच्या राजकारणात उलथापालथ
– मोठी बातमी ! नगरपरिषद व नगरपंचायत निवडणुकीच्या अनुषंगाने हरकती स्वीकारण्यास १७ ऑक्टोबरपर्यंत मुदतवाढ
– जमीन मोजणीसाठी आता सहा महिने वाट पाहावी लागणार नाही ; ३० दिवसांत होणार जमीन मोजणी प्रकरणांचा निपटारा


dainik maval jahirat

Previous Post

शिवछत्रपतींच्या १२ दुर्गांना मानवंदना देण्यासाठी जनसहभागाचे आवाहन – वाचा अधिक

Next Post

अर्धवट किंवा पुरावे नसलेले हरकत अर्ज विना कार्यवाही निकाली काढणार – मुख्याधिकारी डॉ. प्रवीण निकम

Team Dainik Maval

Team Dainik Maval

Dainik Maval is a leading media house in the Maval Taluka. We focus on all types of news : Political, Social, Educational etc. Covering Maval Taluka And Areas of Pune City, District as well. Currently, we are focusing on Web-based, Video-based Content. In the last One Year, Dainik Maval is the most read news portal in the Maval Taluka according to the official statistics of Google.

Next Post
Vadgaon-Nagar-Panchayat

अर्धवट किंवा पुरावे नसलेले हरकत अर्ज विना कार्यवाही निकाली काढणार - मुख्याधिकारी डॉ. प्रवीण निकम

Leave a Reply Cancel reply

Your email address will not be published. Required fields are marked *

ताज्या बातम्या

Union Home and Cooperation Minister Amit Shah two-day visit to Pune National Heavy Engineering Company Talegaon Dabhade Maval

केंद्रीय गृह व सहकार मंत्री अमित शहा यांचा दोन दिवसीय पुणे दौरा; मावळातील नॅशनल हेव्ही इंजिनिअरिंग कंपनीच्या पुनर्निर्माणाचे आज भूमिपूजन

November 15, 2026
Locals oppose supplying water from Thokalwadi Dam Maval to Pimpri-Chinchwad

‘ठोकळवाडी’चे पाणी पिंपरी-चिंचवडला देण्यास स्थानिकांचा विरोध ; धरणग्रस्तांचा ऐतिहासिक संघर्ष, शेतीच्या पाणीहक्कासाठी सर्वपक्षीय एकजुटीचा निर्धार

November 14, 2026
discussions on development issues in Takve-Vadeshwar ZP Gat initiative by Zilla Parishad Pune

जनतेच्या दारात प्रशासन; टाकवे-वडेश्वर गटात विकासाच्या प्रश्नांवर थेट चर्चा, जिल्हा परिषदेच्या समाजकल्याण विभागाचा अभिनव उपक्रम

November 14, 2026
Kashinath Shelar elected unopposed Chairman and Vitthal Kedari as Vice-Chairman Waksai Society Maval

वाकसई विकास सोसायटीच्या चेअरमनपदी काशिनाथ शेलार, तर व्हाईस चेअरमनपदी विठ्ठल केदारी यांची बिनविरोध निवड

November 13, 2026
Janjatiya Gaurav Seva Saptah organized to mark 151 birth anniversary of Bhagwan Birsa Munda

भगवान बिरसा मुंडा यांच्या १५१ व्या जयंतीनिमित्त राज्यात जनजातीय गौरव सेवा सप्ताहाचे आयोजन

November 12, 2026
Minister Pankaja Munde visits sugarcane cutters in Maval taluka MLA Sunil Shelke is present

मावळातील ऊसतोड मजुरांच्या पालावर मंत्री पंकजा मुंडेंची मायेची भेट ; दुष्काळामुळे स्थलांतरित ऊसतोड मजूरांसमवेत दिवाळी साजरी

November 12, 2026
  • Contact us
  • Fact-Checking Policy
  • Home
  • Ownership & Funding Info
  • Privacy Policy
  • Video

© 2023 Website Design by Tushar Bhambare.

Welcome Back!

Login to your account below

Forgotten Password?

Retrieve your password

Please enter your username or email address to reset your password.

Log In
error: Content is protected !!
No Result
View All Result
  • होम
  • लोकल
    • ग्रामीण
    • शहर
  • पुणे
    • ग्रामीण
    • शहर
  • महाराष्ट्र
  • देश-विदेश
  • मावळकट्टा
  • व्हिडीओ

© 2023 Website Design by Tushar Bhambare.