Dainik Maval News : बंद घराचे कुलूप तोडून अज्ञात चोरट्याने सुमारे 3 लाख 65 हजार 850 रुपयांची रोकड आणि सोन्या-चांदीचे दागिने चोरल्याची घटना मोहितेवाडी (ता. मावळ) येथे घडली. याप्रकरणी वडगाव मावळ पोलीस ठाण्यात अज्ञात चोरट्याविरोधात गुन्हा दाखल करण्यात आला आहे.
या प्रकरणी संतोष आण्णा मोहिते (वय 47 वर्षे, रा. मोहितेवाडी साते, ता. मावळ) यांनी फिर्याद दिली आहे. त्यांनी दिलेल्या माहितीनुसार, 19 एप्रिल 2025 रोजी संध्याकाळी 7.30 ते रात्री 11.45 या कालावधीत ते घराबाहेर असताना कोणीतरी अज्ञात व्यक्तीने त्यांच्या घराचे कुलूप तोडून आत प्रवेश केला.
चोरट्याने बेडरूममधील लोखंडी कपाट उघडून त्यामधून सोन्या-चांदीचे दागिने आणि रोख रक्कम मिळून एकूण 3,65,850 रुपये किमतीचा ऐवज चोरून नेला. या घटनेमुळे मोहितेवाडी परिसरात भीतीचे वातावरण निर्माण झाले आहे. गुन्ह्याचा पुढील तपास पोलीस हवालदार काळे करत आहेत.
( मावळ तालुक्यातील प्रत्येक घडामोडीची अपडेट मिळवा दैनिक मावळच्या व्हॉट्सअ‍ॅप चॅनेलवर )
अधिक वाचा –
– मोठी बातमी ! तळेगाव ते चाकण चार पदरी उन्नत मार्ग आणि समांतर चार पदरी रस्त्याला मंत्रिमंडळाची मंजुरी
– फसवणुकीला माफी नाही..! बनावट पनीर विक्रेत्यांवर आता एफडीएची नजर ; ग्राहकांची फसवणूक करणाऱ्यांचे परवाने रद्द होणार
– चांगला निर्णय ! अपघातग्रस्त रुग्णांसाठी एक लाख रुपयांपर्यंतचे कॅशलेस उपचार
